Toewydingseremonie

Fakulteit Geneeskunde en Gesondheidswetenskappe

Toewydingseremonie 

Die Fakulteit Geneeskunde en Gesondheidswetenskappe (FGGW) se toewydingseremonie vir voorgraadse Gesondheidswetenskappe, MBChB- en Verpleegkunde-graduandi en HonsBSc in Biokinetika-graduandi word op Woensdag, 25 Maart 2026 gehou. 

Plek:   

JN de Villiers Raadsaal, Kliniese Gebou, Eerste vloer, Tygerberg-kampus 

Tyd: 

Aankoms: Neem asseblief julle plekke in teen 11:45

Seremonie: 12:00 tot 13:00

RSVP  

Amptelike kommunikasie sal voor 28 Februarie 2026 per e-pos aan graduandi gestuur word. 

Formaat  

Persoonlik teenwoordig

Gaste  

Graduandi is welkom om vier (4) gaste te nooi om die seremonie in die JN de Villiers Raadsaal by te woon. 

Akademiese drag vir die FGGW se toewydingseremonie 

Dit is verpligtend dat graduandi 'n swart akademiese toga vir die FGGW se toewydingseremonie dra. Let asseblief daarop dat geen graadbande vir die toewydingseremonie benodig word nie. Graadbande word slegs vir gradeplegtighede benodig.

Om jou swart akademiese toga te huur, kontak asseblief die Universiteit Stellenbosch se verskaffer, Dippenaar & Reinecke, by 012 343 2945/7 of [email protected]. Die akademiese drag kan by die volgende lokale afgehaal en terugbesorg word:

Tygerberg-kampus: 
Slegs die afhaal van akademiese drag: Woensdag, 25 Maart 2026 van 08:00 tot 16:00 | Lesingsaal 7, Opvoedkunde-gebou:
 

Stellenbosch: 
Afhaal en terugbesorging van akademiese drag: Dippenaar & Reinecke sal van Vrydag, 20 Maart tot Donderdag, 26 Maart 2026 by die verversingskiosk (no 2 op die parkeerkaart) van die Coetzenburg Atletiekstadion beskikbaar wees. Raadpleeg die webblad vir gradeplegtighede vir die skedule. 

Fotografie  

Ons amptelike fotograwe, die Stellenbosse Sentrum vir Fotografiese Dienste (SCPS), sal gedurende die toewydingseremonie foto's neem terwyl die boekrol aan jou oorhandig word en wanneer jy die toewydingsboek onderteken.

Hoewel ons nie privaat fotograwe by die toewydingseremonie kan akkommodeer nie, is jy en jou gaste welkom om na afloop van die seremonie by die toewydingsboek foto's te neem.

Verwys na die afdeling oor gradeplegtigheidsfotografie vir inligting oor die fotografiese dienste wat by die gradeplegtighede op die Stellenbosch-kampus beskikbaar is. 

Gereelde vrae  

Vir meer inligting oor die Fakulteit Geneeskunde en Gesondheidswetenskappe se toewydingseremonie, besoek die Gereelde Vrae of die US se toegewyde gradeplegtigheidswebwerf vir jou gradeplegtigheidsnavrae.