Definisies

'Ons', 'die Universiteit', 'US' beteken die Universiteit Stellenbosch. 

'Webwerf' beteken die Universiteit Stellenbosch se webwerf, geleë by www.su.ac.za, en alle ander webwerwe wat binne die US-domein geregistreer is. 

'Besoekers' verwys na enige persoon wat toegang tot die webwerf het, daarop rondblaai en/of dit gebruik. 

Gebruiksvoorwaardes

1. Die doel van hierdie webwerf is om besoekers van algemene inligting oor die Universiteit Stellenbosch en sy dienste te voorsien.
2. Deur toegang tot hierdie webwerf te verkry, daarop rond te blaai en/of dit te gebruik, stem jy in tot die gebruiksvoorwaardes van hierdie webwerf.
3. Die Universiteit het die reg om hierdie gebruiksvoorwaardes te eniger tyd sonder vooraf kennisgewing by te werk.
4. Besoekers mag die kopieregbeskermde inhoud van hierdie webwerf slegs vir persoonlike navorsing of privaat studie besigtig, aflaai en uitdruk.
5. Besoekers mag nie enige inhoud wat besigtig, afgelaai is, of andersins enige van die kopieregbeskermde inhoud van hierdie webwerf reproduseer, versprei, oordra, aanpas, verander, transkribeer, vertaal of andersins hanteer, sonder die vooraf skriftelike toestemming van die Universiteit nie.
6. Die Universiteit Stellenbosch moet as die bron- en kopieregeienaar erken word wanneer enige van sy kopieregbeskermde inhoud van hierdie webwerf gebruik word.
7. Besoekers mag nie enige inhoud op hierdie webwerf verander, wysig of verdraai op 'n wyse wat die Universiteit kan benadeel nie.
8. Alle intellektuele eiendom wat op hierdie webwerf beskikbaar gestel word, insluitende maar nie beperk nie tot inhoud, teks, foto’s, grafika, ikone, handelsmerke, handelsmerk- en ontwerpelemente, video's, musiek of klank, domeinname, patente, sagteware, databasisse, hiperskakels, kode of handelsgeheime is onderhewig aan kopiereg- en lisensiëringsbeperkings.
9. Persoonlike inligting wat op hierdie webwerf verskyn om doeltreffende kommunikasie tussen werknemers, studente, kliënte en eksterne vennote te fasiliteer, mag nie in enige databasis opgeneem word of vir enige bemarking of ongevraagde kommunikasie gebruik word nie.
10. Die inhoud wat op hierdie webwerf beskikbaar gestel word, is slegs vir algemene inligtingsdoeleindes bedoel en moet nie as die amptelike mening of siening van die Universiteit geïnterpreteer word nie, en dit suggereer of impliseer ook nie die Universiteit se onderskrywing daarvan nie. Die inhoud is nie bedoel nie, en moenie beskou word as professionele, finansiële, regs- of ander advies nie.
11. Die Universiteit het redelike stappe gedoen om te verseker dat die inhoud wat op hierdie webwerf geplaas word, korrek is en verskaf geen waarborg dat die inligting wat verskaf word, volledig, akkuraat of bygewerk is nie.
12. Die Universiteit het redelike stappe gedoen om te verseker dat die tegnologieë van hierdie webwerf betroubaar, veilig en toeganklik is en verskaf geen waarborge dat die webwerf en sy gepaardgaande tegnologieë ten volle funksioneel, vry van virusse of indringerware of 100% van die tyd beskikbaar is nie.
13. Besoekers word aangemoedig om enige kwessies wat met die inhoud, of toeganklikheid en tegniese kwessies op die webwerf verband hou, by [email protected] aan te meld vir verdere stappe (indien nodig) deur die Universiteit.
14. Hierdie webwerf kan skakels na ander webwerwe bevat wat nie onder die beheer van die Universiteit is nie en dus het die Universiteit geen beheer oor die aard, inhoud of beskikbaarheid van hierdie webwerwe nie. Deur sulke skakels te verskaf, onderskryf of bevestig die Universiteit geensins die geldigheid van die webwerf of die inhoud daarvan nie. Die inhoud van gekoppelde webwerwe moet ook nie as die amptelike mening of siening van die Universiteit geïnterpreteer word nie.
15. Die Universiteit behou die reg voor om sonder vooraf kennisgewing die webwerf of enige deel daarvan tydelik of permanent te verander, te verwyder of te staak.
16. Die Universiteit aanvaar geen aanspreeklikheid vir enige verlies of skade wat direk of indirek gely mag word in verband met die gebruik, onvermoë om te gebruik, onbeskikbaarheid van die webwerf, of enige inhoud van hierdie webwerf, of webwerwe wat vanaf hierdie webwerf gekoppel is, wat beskikbaar of weggelaat word nie.
17. Eksterne webwerwe mag na sigbare inhoud op hierdie webwerf skakel. Dit is verbode om bladsye of inhoud in ’n raamstruktuur te vertoon, asook om direk na onderliggende bladsye te skakel.”
18. Om ongemagtigde toegang tot enige beperkte areas van hierdie webwerf te probeer verkry of om met die funksionering daarvan in te meng, kan tot strafregtelike of siviele aanspreeklikheid lei.
19. Die Universiteit is daartoe verbind om die privaatheid van webwerfbesoekers te beskerm. Vir inligting oor die persoonlike inligting wat die Universiteit insamel wanneer besoekers toegang tot die webwerf kry, verwys asseblief na die Privaatheidskennisgewing.
20. Hierdie webwerf word in die Republiek van Suid-Afrika geskep, onderhou en beheer en word dus deur die wette en jurisdiksie van die Republiek van Suid-Afrika en die Suid-Afrikaanse howe bestuur.
21. Die webwerf word in Suid-Afrika of in 'n land met databeskermingswetgewing gehuisves wat beskerming bied wat wesenlik soortgelyk is aan die Wet op die Beskerming van Persoonlike Inligting.
22. Besoekers bevestig dat hulle die nodige regte of lisensies het om te onderlisensieer en inhoud aan die webwerf te verskaf en waarborg die US teen enige derdeparty-inbreukeise. Indien toegelaat ingevolge hierdie regte of lisensies, sal daar aan die US 'n nie-eksklusiewe, ewigdurende, tantièmevrye, wêreldwye lisensie toegestaan word om sodanige inhoud gedeeltelik of gedeeltelik te vertoon, te publiseer, te wysig, aan te pas, te vertaal, afgeleide werke te skep of andersins te gebruik.
23. Die Universiteit is nie verantwoordelik vir kommentaar of menings wat deur besoekers aan die webwerf uitgespreek word nie.
24. Die Universiteit het die reg om te weier om enige inhoud wat 'n besoeker verskaf, te publiseer, te verwyder of om toegang te blokkeer, om enige rede, met of sonder kennisgewing.
25. Gebruikers wat gemagtig is om toegang tot die agtergrond-funksionaliteit van hierdie webwerf te verkry, moet die vertroulikheid van hulle wagwoord handhaaf en is vir alle aksies verantwoordelik wat deur middel van hulle aanmelding geneem word, hetsy met of sonder magtiging. Gebruikers moet die US se IT-afdeling onmiddellik van enige ongemagtigde gebruik van hulle rekening of wagwoord in kennis stel.