Uitstaande studiegelde
Studente met uitstaande gelde
Studente met uitstaande gelde is steeds welkom om hulle gradeplegtighede by te woon. In plaas van hulle amptelike gradueringsdokumente, sal die koker wat hulle by die seremonie ontvang ‘n kennisgewing bevat wat hulle herinner om die uitstaande bedrag te betaal. Gradueringsdokumente sal uitgereik word sodra die rekening ten volle vereffen is.
NSFAS-studente met uitstaande bedrag
Ook NSFAS-studente met uitstaande skuld is welkom om hulle gradeplegtighede by te woon. Die koker wat hulle by die seremonie ontvang sal slegs hulle akademiese rekord bevat. Die amptelike graadsertifikaat sal uitgereik word sodra NSFAS die rekening vereffen het.
Verklarings
Studente met uitstaande skuld, ook studente wat deur NSFAS befonds is, kan ‘n verklaring aanvra wat bevestig dat hulle hul akademiese program suksesvol voltooi het.Versoeke kan gestuur word na: [email protected]. Sluit asseblief jou US-studentenommer en jou identiteitsnommer in, en dui aan of jy ‘n Engelse of Afrikaanse verklaring verkies.
Sperdatum vir betalings
Om te verseker dat studente wel hulle amptelike gradueringsdokumente in die koker by hulle gradeplegtigheid ontvang, moet alle uitstaande gelde voor 12:00 op Vrydag, 13 Maart 2026 vereffen word.
Om betaling te reël: Studentgelde: 021 808 4521 / 4913 | [email protected]
Vir verdere navrae: Kliëntedienssentrum: 021 808 9111 | [email protected]