Meer as 6 000 nuwelingstudente is gedurende 'n energiebelaaide geleentheid by die Danie Craven-stadion amptelik by die Universiteit Stellenbosch verwelkom. Die geleentheid was die eerste verwelkoming wat deur die US se Rektor en Visekanselier, Prof Deresh Ramjugernath, gelei is. SR-leier Simiso Langa het ook 'n kragtige toespraak gelewer waarin sy studente aangemoedig het om dapper te leef en verantwoordelikheid te aanvaar.

Meer as 6 000 studente neem Vrydag 6 Februarie 2026 (09:00–12:00) aan die Sosiale Impak-gemeenskapsoggend deel as deel van die die Universiteit Stellenbosch (US) se Verwelkomingsweek vir nuwelingstudente.

Die Universiteit Stellenbosch en Europa-Universität Flensburg het 'n strategiese ooreenkoms onderteken om internasionale samewerking in vredes- en konfliknavorsing te versterk, met 'n fokus op gewelddadige geskiedenisse, versoening en oorgangsgeregtigheid. Die vennootskap sal gesamentlike navorsing, nagraadse opleiding en akademiese uitruiling op meesters- en doktorsvlak ondersteun, wat samewerking tussen Suid-Afrika en Duitsland sal versterk.

Die adjunkminister van Hoër Onderwys, dr Mimmy Gondwe, het op die eerste stop van 'n nasionale gereedheidstoer die Universiteit Stellenbosch se gereedheid vir die nuwe akademiese jaar bevestig. Finansiering, verblyf en NSFAS-verwante registrasieblokkering het 'n eerlike en oplossingsgefokusde skakeling met senior bestuur en studenteleiers oorheers. Gondwe het die Universiteit se studente-gesentreerde benadering geprys en haar besoek as "baie suksesvol" beskryf.

Reaksie op 'n nasionale ramp: Beleidshandleiding gebruik KI om stryd teen GBG in Suid-Afrika te versnel. Die Suid-Afrikaanse FemAI-laboratorium 'n samewerking is tussen die US se Beleidslaboratorium, Women Political Leaders (WPL) en GIZ. Die Suid-Afrikaanse FemAI-laboratorium het politieke leiers, vroue-entrepreneurs, akademici en burgerlike organisasies byeengebring om saam strategieë te skep om GBG deur die gebruik van kunsmatige intelligensie (KI) aan te spreek.

Duisende nuwelingstudente sal op die Universiteit Stellenbosch (US) se kampusse aankom om deel te neem aan die amptelike Verwelkomingsprogram. Die propvol program is ontwerp om nuwe studente te help om by die universiteitslewe aan te pas. Een van die hoogtepunte van die program is die amptelike verwelkomingsgeleentheid, aangebied deur die US se Rektor en Visekanselier, prof Deresh Ramjugernath.

Suid-Afrika se top openbareskool-matrikulant het die Universiteit Stellenbosch vir haar naskoolse studie gekies. Abigail Kok gaan vir 'n graad in datawetenskap registreer en haar intrek in die Sonop-koshuis neem. Die US se groot trekpleisters vir die dux-leerder van York High is sy akademiese uitnemendheid, studentelewe en sosiale impak-etos.

Dr Alfred Schaffer, 'n akademikus van die Universiteit Stellenbosch het die Van Ewijk-stigting se Prestasietoekenning gewen vir die bevordering van kulturele bande tussen Suid-Afrika en Nederland. Die R100 000-toekenning erken sy werk as digter, vertaler en akademikus regoor die Afrikaans- en Nederlandssprekende wêrelde. Schaffer beskryf die prys as 'n oomblik van besinning oor 'n lewe gevorm deur taal, migrasie en literêre uitruiling.

Die US verskyn op 2026 Times Higher Education se Wêreldranglys van Universiteite per vak. Tel steeds onder voorste hoëronderwysinstellings wêreldwyd in verskeie vakgebiede. Vertoon goed in Lettere en Geesteswetenskappe, Geneeskunde en Gesondheid, Opvoedkundestudie, Regte, Lewenswetenskappe, Sosiale Wetenskappe, Sielkunde, Besigheid en Ekonomie, en Ingenieurswese.

Net dae nadat die Universiteit Stellenbosch (US) Wêreldbewegingsversteuringsdag met ’n kitsskare vir bewustheid oor Parkinson se siekte by die Neelsie Studentesentrum gevier het, het een van die Universiteit se mees gevierde musikante ’n diep persoonlike blik op haar lewe met ’n bewegingsversteuring aangebied. Concerto kombineer huidige beeldmateriaal met uittreksels uit die argiewe van die virtuoos in haar fleur om te wys hoe Schumann hernude sin vind te midde van verwoestende verlies. Ten spyte van die aanpassings, geniet Schumann steeds ’n vol skedule van klasgee en uitvoerings.