Welkom by die Verantwoordelikheidsentrum: Studentedekaan (VS:SD), of wat ons eenvoudig Studentesake noem, by die Universiteit Stellenbosch. Ons sal saam met jou stap op jou universiteitsreis, jou akademiese sukses ondersteun, jou geleenthede bied vir persoonlike groei en leierskapontwikkeling, en jou koppel aan die korrekte dienste om jou holistiese welstand te verseker. Ons doelwit is om 'n inklusiewe en ondersteunende omgewing te skep waar jy as 'n leier kan groei, betekenisvolle verbindings kan bou en spesifieke gegradueerde eienskappe kan ontwikkel wat jou voorberei vir die lewe buite die US.
Die Verantwoordelikheidsentrum: Studentedekaan (VS:SD) bestaan uit twee sentra - die Sentrum vir Studentelewe en -leer (SSLL), en die Sentrum vir Studentevoorligting en -ontwikkeling (SSVO). Hierdie twee sentra bied 'n omvattende ondersteuningstelsel om jou te help om akademies en sosiaal te floreer as 'n toekomstige leier in jou gemeenskap en verder.
Office of the Dean of Students
The Office of the Dean of Students is primarily responsible for strategically and operationally managing the RC. The Dean of Students represents the RC and student related priorities on the SU management and governance structures including the Rectorate, Council, Senate and the Institutional Forum.
The office further takes responsibility for coordinating the work of Student Affairs at SU’s Tygerberg Campus, media and marketing and general administration.
SSVO eenhede
Sentrum vir Studentevoorligting en -ontwikkeling (SSVO)
Die Sentrum vir Studentevoorligting en -ontwikkeling (SSVO) bestaan uit vier eenhede wat almal saamwerk om jou welstand en akademiese sukses te verseker. SSVO is jou staatmakerbron vir sielkundige, ontwikkelings- en steundienste wat ontwerp is om jou te bemagtig en te help sukses behaal.
Die vier eenhede in SSVO is:
- die Eenheid vir Akademiese Voorligting en Ontwikkeling (EAVO)
- die Eenheid vir Gestremdhede (EG)
- die Eenheid vir Psigoterapeutiese en Ondersteuningsdienste (EPOD)
- die Eenheid vir Graduandi-loopbaandienste (EGLD)
Eenheid vir Akademiese Voorligting en Ontwikkeling (EAVO)
Die Eenheid vir Akademiese Voorligting en Ontwikkeling (EAVO) help jou om akademiese uitdagings aan te pak en jou akademiese vaardighede te verbeter. Die span bestaan uit opvoedkundige sielkundiges, ’n geregistreerde berader en sielkunde-interns.
Eenheid vir Gestremdhede (EG)
Die Eenheid vir Gestremdhede (EG) is hier om studente met gestremdhede te ondersteun. As jy raad oor akademiese steun, oplossings of toeganklike studiemateriaal vir jou unieke behoeftes nodig het, is ons daar. Die Eenheid se werksaamhede word gelei deur die US Beleid oor Gestremdheidstoegang.
Eenheid vir Psigoterapeutiese en Ondersteuningsdienste (EPOD)
Die lewe op universiteit kan soms nogal oorweldigend wees. Die Eenheid vir Psigoterapeutiese en Ondersteuningsdienste (EPOD) is hier om jou deur daardie uitdagende tye te help met die individuele en groepterapie wat ons verskaf en met ons werksessies. Ons sielkundiges en geregistreerde berader bied...
Eenheid vir Graduandi-Loopbaandienste (EGLD)
Wonder jy ooit wat voorlê nadat jy klaar studeer het? Die EGLD is jou gids om die oorgang van opvoeding na indiensneming, van boeke na die beroep, seepglad te laat verloop. Ons rus jou toe om sonder struikeling en met selfvertroue die oorgang na die werkswêreld te navigeer.
SSLL eenhede
Sentrum vir Studentelewe en -leer (SSLL)
Die Sentrum vir Studentelewe en -leer (SSLL) skep holistiese leef- en leer-omgewings, hou toesig oor die kokurrikulêre programme vir koshuis- en pendelstudente, en kweek ’n waardesgedrewe omgewing binne hierdie studentegemeenskappe om studente as toekomstige Suid-Afrikaanse leiers te ontwikkel deur middel van ’n kultuur van voortgesette programme vir persoonlike en leierskapsontwikkeling. Die Sentrum ondersteun ook studentestrukture wat alle studente verteenwoordig en behartig die akkreditasie van die talle leierskapsontwikkelingsprogramme wat die US aanbied, onder andere.
Daar is vyf eenhede in die SSLL:
- Eenheid vir Pendelstudentegemeenskappe (EPSG)
- Eenheid vir Koshuis-studentegemeenskappe (EKSG)
- Eenheid vir Studenteregering (ESR)
- Eenheid vir Leierskap, Diversiteit en Inklusiwiteit (ELDI)
- Eenheid vir Ervarringgerigte Leer (EEL)
Top stories
Persverklaring
Loopbaandag inspireer toekomstige prokureurs om Mandela se nalatenskap te laat voortleef
Drie dekades nadat Suid-Afrika een van die wêreld se mees progressiewe grondwette aanvaar het, het meer as 150 aspirant-prokureurs by die Universiteit...
Gebeure
Neem navorsing oor volhoubare energie van proewe tot produkte
Suid-Afrikaanse navorsers behoort sukses nie net aan publikasies en patente te meet nie, maar aan die tasbare tegnologieë, ondernemings en werksgeleenthede wat...
Menings en artikels
Mandeladag: Madiba se lewe 'n herinnering dat bevryding, reis na vryheid voortduur
Nelson Mandela se lewe herinner ons dat bevryding nooit 'n voltooide saak is nie, maar 'n voortdurende verantwoordelikheid, en dat die pad na vryheid nooit...