Studentegemeenskappe
Die Universiteit Stellenbosch se studentepopulasie bestaan uit koshuisgebaseerde en pendelaarstudentegemeenskappe. Pendelstudentegemeenskappe verwys na studente wat in private verblyf in en om Stellenbosch woon en studente wat elke dag na en van die kampus reis. Beide koshuis- en pendelaarstudente word toegewys aan 'n gemeenskap wat hulle sal help om te integreer by die sosiale en akademiese lewe aan die Universiteit.
Wat is klusters?
Klusters is groeperings van studentegemeenskappe en sluit koshuis- en pendelaarstudente in. Daar is agt kluster studentegemeenskappe aan die US: amaMaties, Rubix, Senior Leefruimtes (SLR), TygerMaties, VicMeyr, Validus, Victoria en Wimbledon. Klusters word saamgestel op grond van die geografiese nabyheid van die onderskeie koshuise en pendelstudentegemeenskappe (PSG's).
Die kluster waarby jy ingedeel is, is jou paspoort na ’n volledige universiteitservaring en sal jou help om sommer van die begin van jou universiteitsreis af mense te ontmoet uit ’n veel groter poel as jou onmiddellike gemeenskap. Dis ’n plek waar vriendskappe floreer, ondersteuning byderhand is en blywende bande gesmee word.
Hierdie stelsel bevorder integrasie tussen opkampus- en pendelaarstudente deur middel van gemeenskaplike ruimtes op kampus; bv. oop eetsale, klusterhubs waar jy bekostigbare gekookte maaltye kan kry, studieruimtes en geleenthede vir netwerkvorming of portuurgroepleer.
Kyk deur die klusters hier onder om te sien by watter een jy hoort:
|
|
|
CAPRI | VENUSTIA | UBUNTU |
|
|
|
RUSSEL BOTMAN HOUSE | MAJUBA | GOLDFIELDS |
|
|
OUDE MOLEN | IRENE |
Pendelstudente-gemeenskappe (PSG's) vir Stellenbosch
Die pendelstudentegemeenskappe (PSG’s) vir die Stellenbosch-kampus is Aristea, Aurora, Capri, Equité, Olympus, Oude Molen, Pieke, Silene, Venustia en Vesta.Our Stellenbosch-based commuter student communities are Aristea, Aurora, Capri, Equité, Olympus, Oude Molen, Pieke, Silene, Venustia and Vesta.
PSG's vir Tygerberg
Die PSG vir die Tygerberg-kampus is Osler.
PSG's vir nagraadse en senior studente
amaMaties.Net, Wimbledon.Net en Rubix.Net is ons drie PSG's vir seniors. Dis op die Stellenbosch-kampus gesetel.
Mentors - jou staatmaker vir die aanpassing by die universiteitslewe
’n Mentor word vir elke nuweling toegewys – ’n senior student wat self al die Verwelkomingsprogram deurloop het en ervaring van die universiteitslewe het. Op grond van hulle persoonlike ondervinding en die opleiding wat hulle kry, kan jou mentor vir jou leiding gee en die oorgang vanaf hoërskool na universiteit help fasiliteer.
Jou mentor sal van die eerste mense wees wat jou op kampus ontmoet en verwelkom. Hulle betrek jou by betekenisvolle, prettige aktiwiteite wat jou help ontwikkel en wat verseker dat jy sosiaal en akademies by die kampuslewe inskakel. Dink dus aan jou mentor as jou persoonlike stel nutsmiddels op jou reis na studentesukses.
As ’n mentor nog nie aan jou toegewys is nie, kontak asseblief die Sentrum vir Studentelewe en -leer (SSLL) by [email protected] of +27 21 808 3064.
BELANGRIK!
Jou PSG verskaf NIE vir jou verblyf nie. Jy sal egter toegang tot sekere koshuise hê, waar jy met studente in die koshuis kan meng deur jou studentekaart te gebruik om maaltye by 'n oop koshuiseetsaal in 'n sekere kluster te bespreek.
Kluster "hubs"
Party klusters het wat ons ’n “hub” noem – ’n gebou of fasiliteit wat ’n gemeenskaplike ruimte bied vir studente in daardie kluster om bymekaar te kom, te studeer, mense te leer ken en te ontspan. Hierdie hubs bied nuttige geriewe soos studieruimtes, sosiale en gemeenskaplike ruimtes, plek om te eet en betroubare netwerk- en Wi-Fi-toegang vir koshuis- sowel as pendelaarstudente. Klusterhubs help om mense bymekaar te bring. Hulle versterk sosiale samehorigheid, gemeenskapsvorming en ondersteuning. Hulle verseker ook dat studente wat op kampus woon en dié wat pendel, gelyke toegang tot gemeenskaplike ruimtes en geleenthede het. Belangrikste van alles: Hulle help dat alle Maties, ook dié wat nie in ’n koshuis woon nie, ’n egte gevoel van tuishoort in hulle klustergemeenskap het.
Daar is tans drie klusterhubs, almal op die Stellenbosch-kampus: vir die klusters Victoria, amaMaties en Wimbledon. Victoria het ook ’n minihub, in die koshuis Harmonie, wat hoofsaaklik as studieruimte gebruik word.
Belangrike feite oor Pendelstudentegemeenskappe
Daar is elf voorgraadse PSG’s – tien op die Stellenbosch-kampus en een op die Tygerberg-kampus. Albei hierdie kampusse het ook aangewese gemeenskappe wat ondersteuning vir nagraadse studente bied.
Nuwe studente word volgens die Universiteit se Plasingsbeleid by ’n gemeenskap ingedeel. Ons laat weet jou per e-pos by watter gemeenskap jy ingedeel is. Ons stuur vir jou ’n verwelkomingsbrosjure van jou PSG af, wat ook julle verwelkomingsprogram bevat. As die e-pos of die brosjure (of albei) nie by jou uitgekom het nie, kontak asseblief US Kliëntedienste by 021 808 9111 of [email protected], of e-pos die Eenheid vir Pendelstudentegemeenskappe (EPSG) by [email protected].
Hierdie gemeenskappe word gesamentlik deur die EPSG en die SSLL bestuur. (Die Eenheid is in die Sentrum gesetel.) Die Eenheid en die Sentrum ressorteer albei onder die Verantwoordelikheidsentrum: Studentedekaan (VS: DS).
Nadat jy by ’n gemeenskap ingedeel is, mag jy nie na ’n ander een verskuif nie. Jy bly vir die volle duur van jou universiteitsreis in die gemeenskap wat aan jou toegewys is. Die kluster waarin jy is, bepaal by watter gemeenskap jy ingedeel word. Kontak asseblief US Kliëntedienste by 021 808 9111 of [email protected]. Jy kan ook in die verwelkomingstyd die EPSG se kantoor besoek (Bosmanstraat 9 en 11) of ’n e‑pos na [email protected] of [email protected] stuur.
Sorg asseblief ook dat jy bewus is van die verpligte PSG-fooi wat alle studente – ook dié in koshuise – jaarliks moet betaal.
Vervoer vir Pendelaarstudente
in die Verwelkomingstyd
Ons weet dat dit vir pendelaarstudente moeilik is om van die kampus af by die huis te kom, veral saans.
Die EPSG help jou om in die verwelkomingstyd veilig tuis te kom met ons gratis vervoerdiens vir pendelaarstudente op die Stellenbosch-kampus. Dit beteken dat jy ook aan die na-uurse verwelkomingsaktiwiteite van jou gemeenskap kan deelneem.
Vervoer sal van 26 tot 30 Januarie beskikbaar wees, en weer van 2 tot 7 Februarie. Die voertuie vertrek elke aand om 19:00 en weer om 21:00 vanaf Bosmanstraat 11 in Stellenbosch.
Ons laai jou veilig by jou woonplek in Stellenbosch af, en by die volgende aflaaipunte in omliggende gebiede:
SAPD-stasie: Bellville, Kuilsrivier, Kraaifontein, Athlone, Mitchellsplein, Paarl, Wellington, Klapmuts, Somerset-Wes, Strand en Kayamandi
De Zalze (by die hek van die gholflandgoed) in Stellenbosch
Paradyskloof (Engen-garage) in Stellenbosch
Sonnebloemweg (Puma-garage) in Idasvallei, Stellenbosch
Welgevonden (by die hek van die landgoed) in Stellenbosch
Langstraat 87 (Engen-garage) in Cloetesville, Stellenbosch
Stellenbosch Sentraal (dorp) in Stellenbosch
