Die jaarlikse Universiteit Stellenbosch (US) Toekennings vir Navorsings- en Innovasie-uitnemendheid het op 30 Oktober 2025 by die Stellenbosch Instituut vir Gevorderde Studie (STIAS) plaasgevind, waar verskeie lede van die Fakulteit Ingenieurswese vanjaar onder die pryswenners was. Die geleentheid het navorsers, innoveerders, postdoktorale genote en nagraadse studente van regoor die Universiteit vereer vir hul uitsonderlike bydraes tot die bevordering van SU se navorsings- en innovasie-onderneming.

Binne die Fakulteit Ingenieurswese weerspieël die 15 pryswenners die US se verbintenis tot navorsing wat ’n meetbare verskil in die samelewing maak en weerspieël hulle die Fakulteit se kundigheid en volgehoue bydrae tot die US se strategiese tema van Navorsing vir Impak.

Die Fakulteit Ingenieurswese se pryswenners is:

• Prof Richard Walls (Siviele Ingenieurswese) – Navorsing vir Impak 
  Erken vir sy uitstaande werk in brandingenieurswese.
• Instituut vir Biomediese Ingenieurswese, onder leiding van Prof Kristiaan Schreve – VR Interdissiplinêre/Groepprestasie-toekenning
• Prof Sara Grobbelaar (Bedryfsingenieurswese) – Vroue in Navorsing-toekenning
• Prof Andries Engelbrecht (Bedryfsingenieurswese en Rekenaarwetenskap) – Gevestigde Navorser-toekenning
• Dr André David Valkenburg (Chemiese Ingenieurswese) – Nagraadse Student-toekenning
• Toekennings vir Nagraadse Studieleiding: ’n Merkwaardige sewe personeellede van die Fakulteit is erken vir hulle uitsonderlike nagraadse studieleiding. Elkeen van hulle het drie of meer doktorale graduandi afgelewer tydens die Desember 2024- en Maart 2025-gradeplegtighede:
  • Prof Thinus Booysen (Elektroniese Ingenieurswese)
  • Prof Johann Görgens (Chemiese Ingenieurswese)
  • Prof Sara Grobbelaar (Bedryfsingenieurswese)
  • Prof Herman Kamper (Elektroniese Ingenieurswese)
  • Prof Jan van Vuuren (Bedryfsingenieurswese)
  • Prof Rong-Jie Wang (Elektroniese Ingenieurswese)
  • Prof Herman Kamper (Elektroniese Ingenieurswese)
• Dr Willie Smit (Meganiese en Megatroniese Ingenieurswese) – Tegnologie-oordrag en Innovasie-toekenning
• Prof Josua Meyer (Meganiese en Megatroniese Ingenieurswese) – A-gegradeerde Navorser
  Erken vir die behoud van sy NNS A-gradering vir ’n tweede termyn – ’n onderskeiding wat voorbehou is vir navorsers wat deur internasionale eweknieë as leiers in hulle gebied erken word.
• Prof Johann Görgens (Chemiese Ingenieurswese) – Navorsingsuitset-toekenning
• Dr Andrew Christopher Way (Chemiese Ingenieurswese) – VR Top 7 Postdoktorale Navorsingsgenoot

Navorsing in die Fakulteit Ingenieurswese fokus daarop om komplekse, werklike uitdagings in areas soos infrastruktuur, vervaardiging, energie en die omgewing. Hierdie toekennings getuig van die toewyding, innovasie en leierskap van ons Fakulteit se personeel, en van die gekombineerde insette wat die Fakulteit se rol versterk in die vorming van ’n volhoubare, kennisgedrewe toekoms. 

Baie geluk aan al ons pryswenners en genomineerdes met hierdie welverdiende erkenning!

•  Kliek hier vir die volledige lys van wenners van vanjaar se Navorsings- en Innovasie-uitnemendheidstoekennings.