Die Fakulteit Ingenieurswese is een van die Stellenbosch Universiteit 
 se vlagskipfakulteite en is een van Suid-Afrika
se voorste produsente van ingenieurs van topgehalte.

Die wêreldklas-ingenieurs wat ons oplei, dra by tot die ekonomiese ontwikkeling van die land en verbeter burgers se lewensgehalte.

Ons uitstaande navorsings- en konsultasiedienste voeg waarde tot die bedryf toe en vul ons befondsingstrome aansienlik aan. Daar is ongeveer 4 000 ingenieurstudente, van wie 3 000 voorgraadse en 1 000 nagraadse studente is.

Die Fakulteit is in 1944 gestig en word gehuisves in 'n groot kompleks van geboue met moderne fasiliteite.