KI en Sosiaal-Bewuste Pedagogieë
- 'n Kortkursus vir US-akademici wat ondersoek hoe KI met sosiaal-regverdige pedagogiese praktyke in hoër onderwys saamvloei.
- Deelnemers sal krities met generatiewe KI omgaan en verken hoe dit gelyke studenteleer kan bevorder of belemmer.
- Die kursus bied samewerkende geleenthede om sosiaal-regverdige pedagogieë toe te pas en leerervarings te ontwerp wat deur KI binne en buite die klaskamer beïnvloed word.
Hierdie kursus bied aan akademici wat aan die US klasgee die geleentheid om hulle kennis en begrip van die rol wat kunsmatige intelligensie (KI) in die verskillende pedagogiese benaderings speel, te verbreed, met die fokus op die bevordering van sosiale geregtigheid.
Die kursus steun op teoretiese perspektiewe en bewysgebaseerde praktyke wat deelnemers die kans bied om kreatief en innoverend te dink oor hoe KI pedagogiese praktyke wat studenteleer ondersteun, kan belemmer en/of bevorder.
Deelnemers sal die geleentheid kry om: (1) hulle begrip van sosiale geregtigheid in die huidige digitaalbemagtigde hoëronderwysomgewing te verdiep; (2) hulle kennis en vaardighede uit te brei om krities met outomatiese instrumente soos generatiewe KI om te gaan; (3) 'n dieper begrip van sosiaal-regverdige pedagogieë en hoe dit studenteleer kan beïnvloed, te ontwikkel; en (4) saam praktiese maniere te ondersoek waarop KI leerervarings in die klas en buite die klas kan vorm.
Hierdie is voldag kursus wat in persoon plaasvind vanaf 20 tot 24 Mei. Kontak asb. vir Magriet de Villiers ([email protected]) om voorlopig te registreer.
Verwante stories
Ingenieurswese en tegnologie
KI-Bemiddelde Multimedia –’n Omwenteling in Inhoudskepping
Ontsluit die potensiaal van KI in die skepping van multimedia-inhoud met ons omvattende gids, KI-bemiddelde Multimedia. Dit fokus op KI-gegenereerde beelde...
Ingenieurswese en tegnologie
Wêreld Telekommunikasiedag: Strewes en teleurstellings van digitale onderwys
Wêreldtelekommunikasie- en Inligtingsgemeenskapsdag word jaarliks op 17 Mei gevier. In ʼn meningsartikel vir die Mail & Guardian skryf dr Sonja Strydom van die...