Leertegnologie Ondersteuning

​​​​Die Sentrum vir Leertegnologieë (SLT) verskaf opleiding en ondersteuning aan dosente oor die integrasie van leertegnologieë aan die US. Een voorbeeld van sulke leertegnologieë wat deel vorm van die basis van onderrig, leer en assessering (OLA) aan die US is die Moodle-gebaseerde leerbestuurstelsel (LBS), bekend as SUNLearn. Die Leertegnologieë Ondersteuningsafdeling (LTO) by die SLT verskaf basiese opleidingsessies op SUNLearn wat raad en ondersteuning insluit oor hoe om tegnologie soos SUNLearn, Microsoft Teams en ander Universiteitsondersteunde sagteware te integreer. Daar moet egter daarop gelet word dat leertegnologie en ondersteuning (LTO) aan die SLT nie verwar moet word met IT-ondersteuning nie. Maak dus asseblief seker dat u die algemene IT-hulplessenaar kontak deur 'n navraag te stuur via die ICT Partner Portal vir enige ondersteuning en raad m.b.t. inligtingstegnologie (IT) en/of rekenaars.