Willem Visser is 'n deeltydse professor in die Afdeling Rekenaarwetenskap aan die Universiteit Stellenbosch (van 2009 tot 2013 was hy die Hoof van die Afdeling). Sy navorsing fokus hoofsaaklik op die vind van foute in sagteware. Meer spesifiek werk hy aan toetsing, programanalise, simboliese uitvoering, probabilistiese simboliese uitvoering en modelkontrole. Hy is waarskynlik die bekendste vir sy werk aan Java PathFinder (JPF) en Symbolic PathFinder (SPF). Hy het voorheen by NASA Ames Research Center en SEVEN Networks gewerk.