Fakulteit Natuurwetenskappe
Ons bou aan Suid-Afrika se wetenskaplike, intellektuele en tegnologiese vermoëns
"The
Die Fakulteit Natuurwetenskappe is ’n vooraanstaande fakulteit vir opleiding en navorsing in die fisiese, biologiese en wiskundige wetenskappe. Met agt departemente, verskeie navorsingsentrums, institutte en navorsingsleerstoele bied ons ’n stimulerende akademiese omgewing waar studente op alle vlakke – van voorgraads tot nagraads – met komplekse wetenskaplike uitdagings werk en aangemoedig word om volhoubare oplossings te ontwikkel.
Jy leer om krities te dink wanneer jy wetenskaplike uitdagings aanpak, gebaseer op ’n stewige grondslag in die natuurwetenskappe. Met toegang tot gevorderde analitiese toerusting en moderne laboratoriumfasiliteite kry jy volop geleenthede vir praktiese opleiding en die ontwikkeling van jou analitiese vaardighede – sodat jy hierdie uitdagings met insig en selfvertroue kan benader.
Voorgraadse programme
Die Fakulteit Natuurwetenskappe bied diverse voorgraadse programme in die biologiese, fisiese en wiskundige wetenskappe aan. Ons buigsame graadprogramme berei studente voor vir die moderne wêreld van werk en rus hulle toe met die nodige vaardighede vir die 21ste eeu. Ons bied 'n unieke, persoonsgerigte studente-ervaring wat dien as 'n katalisator vir transformerende verandering.
Nagraadse programme
In ons nagraadse programme streef ons na 'n gesonde balans tussen basiese en toegepaste navorsing, met inagneming van die behoeftes van die Suid-Afrikaanse gemeenskap in die algemeen. Ons is voorstanders van ʼn multidissiplinêre benadering op nasionale en internasionale vlak, en oor vak-, fakulteits- en ander grense heen. Navorsing word ondersteun deur verskeie sentrums, analitiese fasiliteite en institute onder die beskerming van ons ag akademiese departemente.
Dit wat ons uniek maak
Die Fakulteit Natuurwetenskappe het 'n sterk etos van navorsingsuitnemendheid en lewer 'n belangrike bydrae tot die samelewing deur navorsingsuitsette met impak deur bekroonde navorsers. In hierdie omgewing berei ons studente voor vir die moderne arbeidsmark en om impakvolle loopbane in wetenskap en tegnologie te kan hê.
Departement Biochemie
Biochemie oorbrug die gaping tussen chemie en biologie en ondersoek die chemiese en molekulêre prosesse wat lewe voortdryf.
Departement Mikrobiologie
Ons is 'n dinamiese akademiese tuiste wat toegewy is aan die bevordering van die begrip van mikroörganismes en hul toepassings in wetenskap, nywerheid en die omgewing.
Departement Fisika
Ons opleiding lewer goed afgeronde fisici met die tegniese en spesifiek-wetenskaplike vaardighede wat nodig is om 'n unieke bydrae te lewer in navorsings- en ontwikkelingsomgewings waar fisika-verwante probleme ondersoek word.
Departement Plant- en Dierkunde
Ons is 'n leier op die gebied van biologie en ekologie, met 'n spesifieke fokus op die unieke geleenthede wat Afrika se biodiversiteit bied.
Wiskunde-afdeling
Hierdie graadprogram sal jou toerus met 'n deeglike begrip van die aard, omvang en toepassingspotensiaal van wiskunde. Jy sal 'n loopbaan kan volg wat gesofistikeerde kwantitatiewe vaardighede en insigte vereis.
Department of Physiological Sciences
We are dedicated to advancing the understanding of human physiology through comprehensive training and innovative research. Our research contributes to the improvement of human health and well-being.
Departement Chemie en Polimeerwetenskap
Die program bied aan studente opleiding in die velde van anorganiese, organiese, analitiese, fisiese en polimeerchemie in een van die mees dinamiese en bes toegeruste chemie-departemente in die land.
Toegepaste Wiskunde-afdeling
Toegepaste wiskunde is 'n tak van wiskunde wat gemoeid is met die ontwikkeling van wiskundige metodes en die toepassing daarvan op wetenskap, ingenieurswese, die nywerheid en samelewing. In toegepaste wiskunde word die ontdekkings en aktiwiteite deur toepassings gedryf.
Sentrum vir Bioinformatika en Berekeningsbiologie
Hierdie graadprogram kombineer Biochemie, Bioinformatika, Rekenaarwetenskap en Genetika op 'n multidissiplinêre vlak.
Departement Aardwetenskappe
Ons delf in die prosesse wat ons planeet vorm – van die geologiese kragte wat berge en oseane vorm tot omgewingsfaktore wat die aarde se ekosisteme beïnvloed.
Computer Science
Computer science is the theory and practice of algorithms - a wonderful combination of invention and design, science and engineering to solve problems with computers.
Universiteit Stellenbosch Waterinstituut
Ons navorsing word in samewerking met die industrie en die regering gedoen om waterverwante uitdagings op te los, tegnologie-oordrag te verskaf en menslike hulpbronne in die waterbedryf te ontwikkel.
Ons Navorsing
Met 'n sterk etos van navorsingsuitnemendheid, lewer ons navorsers 'n belangrike bydrae tot die samelewing. Met behulp van die fundamentele tot toegepaste wetenskappe spreek hulle die vele uitdagings aan wat Suid-Afrika en die res van wêreld in die gesig staar. Ons werk dikwels saam met navorsingsrade, regeringsinstellings en bedryfsvennote om innoverende oplossings vir werklike probleme te vind, terwyl ons 'n kultuur van innovasie en entrepreneurskap koester en bevorder. As gevolg van die belangrikheid van die natuurwetenskappe in interdissiplinêre navorsing, speel ons 'n sleutelrol in inisiatiewe soos die Universiteit Stellenbosch Waterinstituut, die Sentrum vir Bioinformatika en Berekeningsbiologie, die Instituut vir Biomediese Ingenieurswese, die Afrika-Mikrobioomprojek, die Skool vir Datawetenskap en Rekenaardenke, en die Skool vir Klimaatstudies.
Ons Sosiale Impak
Die Fakulteit Natuurwetenskappe is daartoe verbind om die kundigheid en kennis van ons navorsers en studente te gebruik om die samelewing te bevoordeel deur middel van etiese en volhoubare inisiatiewe en navorsingsprojekte. Ons werk ook saam met talle instellings om bewustheid van die belangrikheid van wetenskap en tegnologie in die samelewing te bevorder en aan te moedig.
Ons talle inisiatiewe weerspieël ons toewyding om wetenskaponderrig te verbeter, openbare begrip van wetenskap te bevorder en toekomstige jong wetenskaplikes te inspireer.
Hoof stories
Lees stories oor ons strewe na oplossings met impak, die bou van leergemeenskappe wat die nuutste tegnologieë benut, en ons uitsonderlike mense.
Persverklaring
Stryd teen dodelike malariaparasiet: klein hitteskok-proteïene nou die teiken
Die geheim van die malariaparasiet se vermoë om te oorleef in sy twee gashere: die muskiet en mens – by temperature wat wissel van 22˚C in die muskiet tot ’n...
Komende geleenthede
Woon ons geleenthede by en ontdek, groei, leer en raak betrokke by ons gemeenskap.
