Prof Burtram C. Fielding is 'n molekulêre bioloog met spesialiskennis in virologie, veral in menslike koronavirusse. Hy is in April 2024 as Dekaan van die Fakulteit Natuurwetenskappe aangestel. Voorheen het hy gedien as Dekaan van die Fakulteit Natuurwetenskappe aan die Universiteit van die Wes-Kaap (UWK), waar hy ook opgetree het as Direkteur van Navorsingsontwikkeling en as waarnemende Adjunk Vise-Kansellier vir Navorsing en Innovasie.

Prof Fielding beskik oor 'n PhD in Mikrobiologie van die UWK (2001) en 'n MPhil in Bestuursleiding van die US Besigheidskool (2019). Sy akademiese navorsing omvat bydraes tot die verstaan van virale infeksies, met verskeie navorsingsartikels in erkende vaktydskrifte, aanbiedings by konferensies, en hoofstukke in boeke. Hy is aktief betrokke by die mentorskap van studente op verskillende akademiese vlakke. Gedurende die COVID-19 pandemie het Prof. Fielding spesialiskennis en -insigte oor die koronavirus aan die media en algemene publiek oorgedra. Deur sy gereelde gesprekke met die media, speel hy 'n belangrike rol in die oordrag van wetenskaplike kennis aan die publiek. As Dekaan by die US, is Prof. Fielding daartoe verbind om die Fakulteit Natuurwetenskappe se internasionale navorsingsreputasie te verbeter, om interdissiplinêre samewerking te bevorder, en die lang-termyn volhoubaarheid daarvan te verseker.