Skool vir Rekeningkunde

Stellenbosch Universiteit se Skool vir Rekeningkunde bied drie dinamiese voorgraadse studierigtings aan, naamlik BAcc Geoktrooieerde Rekenmeesterskap, BCom Finansiële Rekeningkunde en BCom Bestuursrekeningkunde, elk ontwerp om toekomsgerigte finansiële professionele persone en leiers te ontwikkel. Hierdie programme word aangevul deur gespesialiseerde meestersprogramme, met ’n PhD-aanbod wat binnekort geloods word, wat ’n volledige akademiese trajek van voorgraadse studie tot gevorderde navorsing skep.

Die Skool vir Rekeningkunde se navorsing bevorder denkleierskap in rekeningkunde, korporatiewe bestuur en volhoubaarheid, en lewer insigte wat beleid, praktyk en die toekoms van die beroep vorm. Ons personeel lewer impakvolle, wêreldwyd relevante navorsing wat akademiese uitnemendheid met praktiese toepassing in die werklike wêreld verbind.

Om ʼn tasbare sosiale impak te maak, is deel van die visie van die Skool vir Rekeningkunde (SvR) en as sulks, is dit deel van die opvoeding, leer en navorsing wat ons personeel doen. Die personeel van die SvR maak ʼn sosiale impak deur hulle betrokkenheid by groot projekte in hulle persoonlik kapasiteit, asook betrokkenheid binne die Universiteit landskap en die rekeningkundige professie, hetsy deur middel daarvan om op komitee te dien en/of deur verteenwoordiging van professionele organisasies. Verskeie personeellede deel ook hulle tyd en kennis vrywilliglik deur op die raad van maatskappye sonder winsoogmerk te dien, onder andere Stellenbosch Hospice, Maties Gemeenskapsdiens, ChangeAbility. Ons studente en akademiese klerke het ook 'n sosiale voetspoor deur verskeie jaarlikse projekte, insluitend insamelings. 
 

Die wêreld gaan 'n tydperk van beduidende verandering binne. Of dit nou eksponensiële veranderinge in gebruik, toepassing en krag van tegnologie, klimaatsverandering of verwagte verskuiwing in die politieke en sosiale sfeer is, die invloed van die verandering het 'n fundamentele impak op alle aspekte van die moderne lewe, beide persoonlik en professioneel. Die meeste van hierdie veranderinge is deur die vierde industriële revolusie teweeggebring. 'n Rewolusie waarin nuwe tegnologieë of nuwe maniere om die wêreld te sien veranderinge in ekonomiese en sosiale strukture veroorsaak. Dit het dus ook 'n impak op ons waarde- en geloofstelsels en sal vereis dat sommige bestaande idees, teorieë en oortuigings hersien word.

Die Skool vir Rekeningkunde is trots daarop om ondersteun te word deur ’n toegewyde span akademiese en administratiewe personeel wat saamwerk om uitnemendheid in onderrig, navorsing en studenteondersteuning te lewer. Van inspirerende dosente en toonaangewende navorsers tot die professionele diensspan wat die vlot verloop van ons programme verseker, ons mense is die kern van alles wat ons doen.

 

Die RekNuus, of Annual Report (naamverandering in 2020), is die jaarlikse nuusbrief van die Skool vir Rekeningkunde aan die Universiteit van Stellenbosch. Hierdie nuusbrief doen verslag oor die aktiwiteite, prestasies en navorsing van die Skool se personeel, ons studente en diegene wat met ons geassosieer word.

Die SAICA laat ’n beperkte aantal leering-rekenmeesters toe om die Academic Traineeship Program (ATP) te volg. Die program behels dat klerke hulle eerste jaar van vakleerlingskap by ’n SAICA-geakkrediteerde universiteit deurbring. Die ATP bied leerling-rekenmeesters die geleentheid om hul eerste jaar van leerlingskap in ’n stimulerende akademiese omgewing deur te bring, onder andere met die doel om hulle belang te laat stel om moontlik in die toekoms ’n akademiese loopbaan te volg. ’n Aantal van die personeellede van die Skool vir Rekeningkunde was trouens voormalige akademiese klerke Hierdie program versterk ook die personeelkorps van die Skool, aangesien klerke aan soortgelyke take blootgestel word as junior lektore.

Hierdie afdeling bring belangrike inligting en hulpbronne saam om jou akademiese reis by die Stellenbosch Universiteit se Skool vir Rekeningkunde te ondersteun. Hier sal jy noodsaaklike administratiewe riglyne en hulpmiddels vind om jou te help om ingelig, georganiseerd en op koers vir sukses te bly.