Leertegnologieë

Die doel van hierdie hulpbronne is om uit die ervarings van dosente uit verskillende US-fakulteite te put vir idees hoe onderrigpersoneel bepaalde pedagogiese uitdagings kan aanpak deur leertegnologieë te integreer. Ons fokus hoofsaaklik daarop om pedagogiese uitdagings op te los en om ’n gemeenskaplike begrip te vorm van die gebruiksmoontlikhede wat die voorgestelde leertegnologieë bied. Vir verdere onderrigsteun, kontak asseblief die koördineerder vir vermengde leer by jou fakulteit of besoek SUNLearn vir die opleidingsmodule vir fasiliteerders.

​​​1.  ​Tydige onderrig, betrokkenheid en motivering

1.1  Verskaf onmiddellik terugvoer oor konseptuele begrip tydens lesings: “Clicker” op SUNLearn (klikkerstelsel).
1.2  Stimuleer studentebetrokkenheid in groot klasse: omgekeerdeklaskamer-onderrig met podsendings.
1.3  Oorbrug die gaping wat tussen notas afneem en taalversperrings ontstaan: opnames van lesings.
1.4  Bevorder studentebetrokkenheid deur motivering: spelifiëring met “Badges” op SUNLearn (prestasietoekennings).
1.5 Stimuleer studentebetrokkenheid met onmiddellike terugvoer en spelifiëring: "Quiz” met Socrative op SUNLearn (vasvrae).
​

​2.  ​Skep geleenthede vir hersiening

2.1  Skep geleenthede vir hersiening buite kontaktyd: Quiz op SUNLearn.
 

3.  ​Skep geleenthede vir nadenke

3.1  Verryk studente se nadenke: Google Blogger.
3.2 Verryk studente se nadenke: “ePortfolio” op SUNLearn (e portefeuljes).
 

4.  ​Bestuur administrasie van en terugvoer oor werkopdragte en projekte

​4.1  Verbeter terugvoer oor werkopdragte aan groot getalle studente: “Workshop” op SUNLearn (werksessie-nutsmiddel).
4.2  Bestuur projekte met langer termyne met groot klasgroepe: “Wiki” op SUNLearn (wiki’s).
4.3  Bestuur puntetoekenning vir skriftelike werkopdragte: “Assignment” op SUNLearn (werkopdragte-nutsmiddel).
​​

5. ​ Geleenthede vir afstandsonderrig en beperkte kontaktyd

​5.1  Skep interaktiewe lesse vir selfstudie: iSpring-lesings.
​

6. ​ Verskillende metodes om tradisionele persoonlikekontaklesings te benader​​

6.1 Help studente om die breër prent te sien: Cmap-nutsmiddels.