‎ Ewekniefasilitering-kortkursus

​​​​​​Die kursus oor die Ewekniefasilitering van Leer is 'n opleidingsgeleentheid vir studente wat aktief medestudente help met hulle leer. Hierdie aanbod fokus daarop om eweknie-fasiliteerders toe te rus om medestudente aan te moedig en leer te fasiliteer deur praktiese fasiliteringsvaardighede te ontwikkel, terwyl hulle ook oplet na hulle eie psigososiale welstand.

Hierdie kursus word gratis aangebied en is ontwikkel vir:

• Tutors & demis

• Module-assistente

• Leerassistente

• Onderrigassistente

• Assesseringassistente

​​Aanbod:

• Na voltooiing van die kortkursus sal jy erkenning op jou akademiese studierekord ontvang as ’n US- Ewekniefasiliteerder. 
  Jy bepaal die tempo van die opleiding maar ons beveel 1.5 notionele ure per week aan.  

Modus:

• Asynchrone aanlynleer

Die opleiding  het ten doel om:

• Ewekniefasiliteerders vertroud te maak met hul verantwoordelikhede, asook die tegniese en administratiewe vaardighede wat hulle benodig. 

• Ewekniefasiliteerders in te lig oor die verskillende studentesteundienste wat aan US-studente beskikbaar is. 

• Ewekniefasiliteerders toe te rus met die nodige leerfasiliteringsvaardighede. 

• Ewekniefasiliteerders ’n veilige ruimte vir leer en refleksie te bied. 

Wat is vir my daarin? 

• Jy sal ’n geakkrediteerde ewekniefasiliteerder word wat deur die US erken word. 

• Jy sal vaardighede in grensbestuur ontwikkel en meer veerkragtig en aanpasbaar word in ewekniefasiliteringsessies. 

• Jy sal die ontwikkeling van studente bevorder en praktiese vaardighede toepas wat studente se selfdoeltreffendheid aanmoedig. 

• Jy sal ’n ontwikkelde ewekniefasiliteerder wees wat ’n betrokke leier is (nuuskierig, geïnteresseerd en passievol oor leer). 

• Jou vaardighede sal ontwikkel word (professionaliteit, inter- en intrapersoonlike vaardighede en sosiale intelligensie). 

Aansoekproses:

Jy mag slegs vir hierdie geleentheid aansoek doen nadat jy as ’n ewekniefasiliteerder in jou departement of afdeling aangestel is. 

1. Dien eers ‘n aansoek in vir ’n ewekniefasiliterings- (tutorskap-) geleentheid binne jou departement of fakulteit wanneer dit geadverteer word.

2. Sodra jy deur jou departement of fakulteit gekies is, moet jy inskryf vir die Peer-to-Peer Facilitation of Learning Training-kortkursus deur:

   1. Jou fakulteit of departement se tutor-koördineerder te kontak om vir die kursus aansoek te doen.

   2. Alternatiewelik kan jy Sheena October kontak by [email protected]. 

Vir meer inligting oor e​weknieleerfasilitering, klik hier.

Sluitingsdatums vir aansoeke: 

Daar is geen sluitingsdatum vir aansoeke om vir hierdie kursus in te skryf nie.