Omgewingsvolhoubaarheid by Die Unviersiteit Stellenbosch

Om alle landskappe te onderhou en te ontwerp om veerkragtig te wees teen omgewingsverandering en om biodiversiteit en die volhoubaarheid van oop ruimtes te verbeter.

Die skep van 'n groener, meer boomryke kampus het nie net 'n estetiese doel nie – dit verhoog ook die veerkragtigheid van landskapstelsels deur stedelike gebiede af te koel en koolstofsekwestrasie te bevorder.

Die skep van geleenthede vir die universiteitsgemeenskap om aktief deel te neem aan die plant van bome op die kampus, moedig interaksie met die natuur aan en vestig eienaarskap van die omgewing. Dit skep die geleentheid om deel te wees van 'n lewende nalatenskap en bring die kwessie van die vermindering van ons koolstofvoetspoor nader aan die huis.

Die Stellenboschberg, Duthie-reservaat, Koloniesland, en Eerste- en Kromriviere word as ekologiese groen gebiede bestuur met die klem op brandbestuur, ontspanning, sport, navorsing, bewaring en verhoogde biodiversiteit. Hierdie gebiede is belangrike groen ruimtes wat bydra tot die volhoubaarheid van die kampus.

Die program vir indringer- en uitheemse spesies verseker die skoonmaak van indringersaailinge en stambome.

Spesiale fokus word geplaas op die insluiting van inheemse en endemiese plantegroei in die Universiteit Stellenbosch se landskappe om die natuurlike bioom te weerspieël.

• Plant- en boomkeuse in landskapprojekte en groot opgraderings weerspieël steeds die ekologie en mikroklimaat van die terrein om die waterbehoeftes van die landskap te verminder.
• Kompos en ter plaatse versnipperde grond word toegepas, wat deklaag produseer en as 'n volhoubare praktyk in die landskappe gebruik word.
• Die ontwerp van landskappe is in sekere gebiede verander om afloopwater op te vang en in die grond te filter.
• Die ontwerp van die verlenging van die NMT-roete in Victoriastraat word beplan.