Die Geneeskunde en Gesondheidswetenskappe Biblioteek is een van vier takbiblioteke van die Biblioteek- en Inligtingdiens en is geleë op die Tygerbergkampus in Parow, in die Onderwysblok van die Fakulteit Geneeskunde en Gesondheidswetenskappe. Die biblioteekure word volgens die vereistes van die akademiese jaar aangepas.

Ons bedien

• Die navorsers, dosente, personeel en ingeskrewe studente van die verskillende departemente en sentrums van die Fakulteit Geneeskunde en Gesondheidswetenskappe
• Personeellede van die Provinsiale Administrasie van die Wes-Kaap (PAWK), Tygerberg- en Stikland-hospitale
• Radioloë, dieetkundiges, arbeidsterapeute, fisioterapeute, algemene praktisyns en verpleegkundiges
• Personeel van die Wes-Kaapse Kollege van Verpleging; personeel van die Louis Leipoldt- en Karl Bremer-hospitale
• Aangewese professionele gesondheidspersoneel wat studente van die Fakulteit Geneeskunde en Gesondheidswetenskappe ondersteun wat in gemeenskappe werk wat deel uitmaak van die Ukwanda kliniese uitreik.