Departementele versamelings vorm deel van die Biblioteek- en Inligtingsdiens se groep biblioteke. Hierdie biblioteke word egter nie deur die Biblioteek- en Inligtingsdiens geadministreer nie. Dit is wel gekoppel aan die Biblioteek op grond van die materiaalversamelings.

Al die bestaande departementele versamelings word gehuisves in akademiese departemente op die Stellenbosch-, Bellville- of Saldanha-kampusse, en bestaan uit boeke, tydskrifte en ander inligtingsbronne. Dit is belangrik om daarop te let dat die versamelings wat in hierdie biblioteke gehuisves word nie die hoofversamelings is van die betrokke vakgebiede nie. Slegs geselekteerde items uit die vakversamelings word hier gehuisves. Die hoofversamelings van  bronne beskikbaar in hierdie vakgebiede word in die Universiteit Stellenbosch Biblioteek gehuisves, waar fakulteitsbibliotekarisse die onderskeie vakgebiede bedien.

Kontak asseblief die onderskeie biblioteke vir inligting oor die dienste, prosedures en diensure.