Bedryf en Akademie Verenig vir die Eerste Suid-Afrikaanse Tafeldruifkonferensie 2026

Die Departement Wingerd- en Wynkunde (DWW) en die Suid-Afrikaanse Druif- en Wynnavorsingsinstituut (SAGWRI) het nog altyd hul noue verhouding met die druif- en wynbedrywe as belangrig geag en dit gebruik as 'n manier om op hoogte te bly van wat die bedryf benodig en om aan verskeie aktiwiteite in die sektor deel te neem. Een manier om 'n vinger op die pols te hou, is om personeellede te hê wat dien op verenigings en ander bedryfsverwante komitees. Dr. Jeanne Brand en Me. Talitha Venter dien op die raad van die Suid-Afrikaanse Wingerd en Wynkunde Vereniging (SAWWV) en is deur hierdie rol deel van die organiseringskomitee vir die Table Grape Conference 2026, met Me. Venter as konferensievoorsitter.

Dit is met groot opgewondenheid dat ons die eerste Suid-Afrikaanse Tafeldruifkonferensie aankondig wat op 5 en 6 Augustus 2026 by Allée Bleue, Franschhoek, gehou sal word. Die konferensie word aangebied in samewerking tussen die Suid-Afrikaanse Wingerd en Wynkunde Vereniging (SAWWV) en die Suid-Afrikaanse Tafeldruif Industrie (SATI). Die kerntema van die konferensie is Connecting ideas | Cultivating success en die geleentheid sal 'n platform dien om toonaangewende navorsers, rolspelers in die bedryf en produsente bymekaar te bring. Dit merk die volgende fase van samewerking tussen SAWWV en SATI, wat daarop gemik is om navorsing toeganklik te maak vir produsente en bedryfskundiges, en sodoende 'n volhoubare toekoms vir die tafeldruifsektor te verseker, gebaseer op innovasie en ingeligte besluite. 

Die organisering van die geleentheid is in volle swang! Oproepe vir abstrakte vir wetenskaplike volledige mondelinge en flitsaanbiedings is tans oop en sluit op 15 Mei 2026. Abstrakte kan aanlyn via ʼn indieningsvorm ingedien word: https://forms.gle/EcCiicGfLtuQ4A227 onder vier temas ingedien word:

• Ons Bedryf: Plaaslike oorsig en globale perspektiewe
• Plantgesondheid: Op pad na 'n gesonder toekoms
• 'n Volhoubare tafeldruiftoekoms: Innovasies en nuwe insigte
• Lewering van kwaliteitsprodukte: Na-oesbestuur en verpakking

Ons moedig fakulteitslede en studente van alle departemente wat op Tafeldruiwe werk in die velde wat verband hou met die vier temas aan om abstrakte vir vir die konferensie in te dien. 

Verskeie borgskapgeleenthede is ook beskikbaar, en ons nooi maatskappye en organisasies uit om met ons as borge saam te werk. Die volledige borgskapprospektus op die SASEV gebeurtenis webtuiste: https://events.sasev.org/wp-content/uploads/2026/02/TGC2026-Prospectus_final.pdf verkry word en borgskapnavrae kan gerig word aan Tarryn Wettergreen via e-pos by [email protected]. 

Hou ons sosiale media dop vir meer inligting en ons hoop om jou by hierdie opwindende geleentheid te sien! Vir meer inligting oor SASEV, besoek www.sasev.org en vir algemene navrae, kontak ons ​​by [email protected].

• https://www.facebook.com/SASEV.SAWWV

• South African Society for Enology and Viticulture (@sasev_platform) • Instagram photos and videos

• https://www.linkedin.com/company/sa-society-for-enology-viticulture

• https://www.linkedin.com/company/satgi/?originalSubdomain=za