By die Universiteit Stellenbosch bied ons aan studente ʼn transformerende ervaring wat hulle toerus om in ʼn diverse wêreld te lei en uit te blink. ʼn Belangrike deel van hierdie ervaring is die omvattende ondersteuning wat beskikbaar is dwarsdeur studente se akademiese reis. Deur die Afdeling Studentesake lewer gekwalifiseerde sielkundiges, psigometriste en maatskaplike werkers ʼn reeks studentgesentreerde ontwikkelings- en ondersteuningsdienste op kampus. 

Studente het ook toegang tot ʼn reeks akademiese hulpbronne, soos die Universiteit Stellenbosch-biblioteek, die Skryflaboratorium en die Leeslaboratorium. Daarbenewens bevorder die Eenheid vir Gestremdhede bewustheid en bied toegewyde ondersteuning vir studente met gestremdhede. Die Eenheid vir Gelykwaardigheid bied verder dienste, opleiding en intervensies om geslagsgebaseerde geweld en MIV/Vigs te bestry, terwyl dit ook LGBTQIA+-studente ondersteun.