Eiendomsdienste

Die onderafdeling Eiendomsdienste lewer verskeie ingenieurs- en ander dienste om te sorg dat die bedryf en bestuur van die instelling se infrastrukturele bates glad verloop. Eiendomsdienste sien met behulp van ’n kernspan en spesialisdiensverskaffers om na ’n portefeulje dienste wat die volgende eenhede insluit:

Instandhouding en Bedryf

Nutsdienste

Informatika

Tuin- en Terreindienste

Omgewingsvolhoubaarheid

Instandhouding en Bedryf

Om dienslewering te verbeter, plaas Eiendomsdienste ’n strategiese fokus op beplande instandhouding en noue samewerking met kollegas in die breër USFB-omgewing.

Nutsdienste

Nutsdienste is daarvoor verantwoordelik om elektrisiteit, verhitting, verkoeling, watersanitasiedienste en ander noodsaaklike alledaagse funksies te lewer wat die Universiteit se kampusse in werkende toestand hou.

Informatika

Die USFB het verskeie slimtoestelle en ‑stelsels oor die Universiteit se kampusse heen geïnstalleer wat in groter detail oor instandhouding, stelselverbetering, nutsdienste en omgewingsvolhoubaarheid verslag doen.

Tuin- en Terreindienste

Die Universiteit Stellenbosch (US) se eiesoortige tuine en terreine op die instelling se onderskeie kampusse is in die groen hande van die Tuine en Terreine-diensspan en hulle diensverskaffers.

Omgewingsvolhoubaarheid

Die Omgewingsvolhoubaarheid-span sien om na omgewingsvolhoubaarheid, strategiese en bedryfsplanne, en die US se Omgewingsbestuursplan. Die span bestuur verskeie projekte op die US se vyf kampusse volgens die riglyne van die Plan.