Korporatiewe kommunikasie
Ons Departement Korporatiewe Kommunikasie lewer geïntegreerde en doeltreffende kommunikasieprogramme vir interne én eksterne gehore. Ons skep deur noue samewerking met vennote regoor ons Universiteit inhoud wat die Universiteit Stellenbosch se strategiese boodskappe en handelsmerk versterk.
Mediakantoor
Ons Mediakantoor bevorder die Universiteit Stellenbosch deur middel van plaaslike, nasionale en internasionale mediadekking. Ons reik mediavrystellings uit wat die prestasies en aktiwiteite van die Universiteit, sy personeel en studente uitlig, en dien as die sentrale kontakpunt vir medianavrae en kundige kommentaar.
Ons ondersteun akademiese personeel om mediablootstelling te vergroot deur media-opleiding aan te bied, geleenthede vir dekking te identifiseer en te help met inhoud wat vir spesifieke publikasies aangepas is.
Die Mediakantoor bestuur ook die Universiteit se amptelike sosialemedia-teenwoordigheid op Facebook, X, Instagram en LinkedIn.
· Joernaliste wat op ons mediaverspreidingslys ingesluit wil word, kan ’n e-pos stuur na [email protected].
Kontak die mediakantoor
Kommunikasie
Ons Kommunikasiespan deel die stories wat die Universiteit Stellenbosch lewe gee – van baanbrekersnavorsing en innovasie tot studente-ervarings, kampusgeleenthede en gemeenskapsbetrokkenheid.
Ons skep ’n verskeidenheid inhoud vir ons Universiteit se aanlyn en gedrukte platforms, insluitende nuusartikels, video’s, foto’s, nuusbriewe en e-posse om ons kampusgemeenskap ingelig en in verbinding te hou.
Ons ondersteun ook personeel met advies oor beste praktyke vir interne kommunikasie, veldtogte en projekte, wat help verseker dat belangrike boodskappe die regte gehore bereik.
Kontak kommunikasie
Uitvoerende Kommunikasie
Ons Uitvoerende Kommunikasiespan ondersteun die Kantoor van die Rektor en Visekanselier en die breër Rektoraat met strategiese kommunikasie. Die span produseer kwartaallikse bestuursverslae, die Geïntegreerde Jaarverslag en ’n reeks ander hoëvlak-kommunikasiemateriaal.
Ons skep ook gedrukte en digitale publikasies wat die Universiteit Stellenbosch se aktiwiteite ten toon stel, wat help om ons Universiteit onder diverse gehore te bevorder. Die span adviseer ook Universiteitsvennote oor die ontwikkeling van publikasies wat met die US-handelsmerk en kommunikasiedoelwitte ooreenstem.
Contact digital innovation and projects
Digitale innovasie en projekte
Ons span bestuur ook digitale-innovasieprojekte binne die Afdelinge Korporatiewe Kommunikasie en Bemarking.
Die Digitale Innovasie en Projekte-span bestuur die Universiteit Stellenbosch se institusionele webwerf, www.su.ac.za. Die span hou inhoud bygewerk, adviseer US-entiteite oor doeltreffende webkommunikasie en -ontwerp, en bied opleiding en tegniese ondersteuning aan webkoördineerders regdeur die Universiteit.
Vir webwerfondersteuning, besoek die Web-hulpafdeling.
Ons bied ook regstreekse stroomuitsendings van institusionele geleenthede soos gradeplegtighede aan, wat gehore toelaat om dit van enige plek ter wêreld op rekenaar-, iOS- en Android-toestelle te ervaar.