'n Span van die Ghana Energiekommissie het onlangs Suid-Afrika besoek om kennis te deel oor Energieprestasiesertifikate (EPS, EPC in English), slim energiestelsels en geboudoeltreffendheid regoor Afrika.

Die Suid-Afrikaanse Nasionale Energie-ontwikkelingsinstituut (SANEDI) het die studietoer georganiseer. Dit het mense van die regering, universiteite en die bousektor bymekaar gebring om lesse te leer en beste praktyke oor energiedoeltreffendheid en volhoubare infrastruktuur te deel.

Tydens hul besoek het die afvaardiging die Universiteit Stellenbosch (US), die Universiteit van Kaapstad, die Stad Kaapstad en die Groengebouraad van Suid-Afrika besoek om meer te leer oor hoe Suid-Afrika EPS geïmplementeer het, die regulasies daarvan en wat was die praktiese lesse uit die proses.

Deur die US het Nadeem Gafieldien, Direkteur van Omgewingsvolhoubaarheid deur die US se Kampusontwikkeling, Infrastruktuur en Dienste (KOIS)-afdeling, gepraat oor die Universiteit se reis na volhoubaarheid en 'n slim kampus. Hy het verduidelik hoe die gebruik EPS gehelp het met kampusopgraderings, verhoogde energiebewustheid en verbeterde doeltreffendheid oor tyd.

Gafieldien het gedeel hoe die universiteit se plan vir slimmer (smarter) kampusse gesetel is in volhoubaarheid van bedrywighede en prosesse, datagebaseerde besluite en gekoppelde infrastruktuur. Die groep het ook bespreek hoe slim nutsdienste, geboue en digitale gereedskap, energieopsporing, veerkragtigheid en langtermynbeplanning kan verbeter.

Die US-aanbieding het ook getoon hoe slim meters en digitale energieplatforms EPS nuttiger kan maak. Dit is meer as net papierwerk, want met behulp van EPS-prosesse kan die US nou deurlopende monitering en beter besluitneming oor energieverbruik ondersteun.

GreenX neem die voortou

Jason Samuels, uitvoerende hoof van die US-afwentelmaatskappy GreenX Engineering, het gepraat oor hoekom dit belangrik is om veranderinge in fases uit te rol. Hy het ook meer vertel oor die werk wat hulle tans doen aan digitale EPS-prosesse, slimmeters, energie-dashboards en gereedskap wat geboue help om aan standaarde te voldoen en oor tyd beter te presteer.

Sedert hulle in Oktober 2023 'n gemagtigde EPS-kontrakteur en inspeksieliggaam geword het, het GreenX meer as 160 energieprestasiesertifikate al uitgereik. Hulle het die meerderheid hiervan vir opvoedkundige instellings voltooi, insluitend ongeveer veertig vir Curro-skole en vier vir die US.

Suid-Afrika het nog 'n lang pad om te loop, aangesien die huidige vordering met EPS nie vinnig genoeg is nie en dat slegs 8 200 van 60 000 geboue in die eerste fase gesertifiseer is.

Die groep het ook gesels oor Ghana se vordering met die voorbereiding vir hierdie soort sertifisering. Die Ghana Energiekommissie het 'n opleidingstoepassing ontwikkel, implementeringsnetwerke gevestig en op GiZ-ondersteunde programme en ondervinding uit Brittanje en Australië gesteun.

Alhoewel beide lande soortgelyke benaderings het, verskil Ghana se voorgestelde EPS-raamwerk in sommige opsigte van mekaar. Dit dek residensiële, private en openbare geboue, beginnende met dié groter as 500 vierkante meter.

Na die besoek het SANEDI 'n brief gestuur waarin hulle die Universiteit Stellenbosch bedank het vir hul hulp met die studietoer. Hulle het gesê die universiteit se aanbiedings, besprekings en terreinbesoek het die span van Ghana nuttige insigte gegee in Suid-Afrika se EPS-ondervinding, insluitend beste praktyke, uitdagings en geleenthede in die gebouesektor.

Die besoek het ook getoon hoe universiteite as "lewende laboratoriums" gebruik kan word vir nuwe idees in volhoubaarheid en die nasionale energiestelsels. Almal het saamgestem dat samewerking en die deel van kennis die sleutel sal wees namate Afrikalande slimmer, meer energie-doeltreffende geboue bou.