Beste studente en kollegas,

Die impak van die afgelope week lê swaar op ons elkeen se gemoed en die Universiteit Stellenbosch (US) se studenteleiers het ons studente suksesvol gelei deur 'n tyd wat traumaties op verskeie vlakke was. Verlede week het ons Viserektor: Onderrig en Leer byeengekom met alle Dekane en Vise-Dekane: Onderrig en Leer om 'n voorstel van studenteleiers te oorweeg om die aanvang van die middeljaareksamens met 'n week uit te stel.

Die verteenwoordigende studenteraad (SR) en die voorsitters van die akademiesesakekomitee, het ons saam met dr. Choice Makheta, die US se senior direkteur: Afdeling Studentesake, toegespreek.

As die leiers van die Fakulteit Geneeskunde en Gesondheidswetenskappe (FGGW) bly ons toegewy om 'n wellewende, inklusiewe en transformerende omgewing te skep wat in lyn is met ons waardes en sal volhou om ons studente en personeel in alle omstandighede te ondersteun.  Ons erken die gesamentlike besluit van die US se bestuur en studenteleiers (klik hier). Die besluit om assessering uit te stel was nie maklik nie en ons besef hoe verreikend die impak op verskeie stelsels binne die fakulteit sal wees.   Die Tygerberg Studenteraad (TSR) van die FGGW het 'n alternatiewe benadering voorgestel wat op institusionele vlak ondersteun is:

1. 'n Uitstel van drie dae vir assesserings wat op 23-25 Mei sal plaasvind. 2. 'n Uitstel van sewe dae vir take met sperdatums op 21-27 Mei 2022. 3. Tweede asssesseringsgeleenthede vir studente wat assesserings gehad het in die week van 16-20 Mei en swak gevaar het.  

PRAKTIESE IMPLIKASIES VIR STUDENTE VAN DIE FAKULTEIT GESONDHEID EN GEESTESWETENSKAPPE

Voor- en nagraadse studente wat assesserings op die Stellenbosch-kampus doen, sal saamval met die Stellenbosch-eksamenskedule. Die nagraadse assessering op die Tygerberg-kampus is dissipline-spesifiek en ons neem kennis van enige take wat in die bogenoemde tyd val. Vir die voorgraadse studente aan die Tygerberg-kampus geld dié nuwe reëlings: ​

• Geen assesserings vir 23, 24 en 25 Mei met die herskedulering van assesserings (sien punt 1).

• Sperdatums sal aangepas word met sewe dae (sien punt 2).

• Studente kan aansoek doen vir 'n tweede assesseringsgeleentheid vir assesserings wat plaasgevind het in die week van 16-20 Mei waar hulle uitslae nie wenslik is nie (sien punt 3).

Ons begryp dat hierdie besluite 'n impak op ons almal gaan hê in die weke wat volg en vra vir geduld en dat ons mekaar met respek behandel in hierdie moeilike tyd.   Groete,   Dr Therese Fish Waarnemende Dekaan: Fakulteit Geneeskunde en Gesondheidswetenskappe