Biomediese Ingenieurswese
Tegnologieë soos 3D-drukwerk, mikrorekenaars en kunsmatige intelligensie bied nuwe geleenthede vir ingenieurswese in die biomediese veld. Hierdie groep ontwikkel innoverende minimaal indringende toestelle om gesondheidsorginligting in te samel.
Hulle ontwikkel meganiese toestelle vir telemedisyne en vind pasgemaakte oplossings vir die behandeling van spesifieke siektes. Hulle ontwikkel en toets mediese sensors vir in vivo-toetsing van die menslike knie se biomeganiese eienskappe.
Instituut vir Biomediese Ingenieurswese
Biomediese Ingenieurswese is die toepassing van wetenskap, tegnologie, ingenieurswese en wiskunde om in gesondheidsverwante behoeftes te voorsien. Biomediese Ingenieurswese is inherent multidissiplinêr (persone van verskeie dissiplines dra by) en interdissiplinêr (kundigheid van verskeie dissiplines moet geïntegreer word).
