Elke jaar herinner Mandela-dag ons daaraan dat groot verandering dikwels met 'n eenvoudige daad begin: om van ons tyd te gee. 

Vanjaar se Mandela-dag-tema, "Dit is steeds in ons hande om armoede en ongelykheid te bestry", beklemtoon die krag van gesamentlike optrede en herinner ons daaraan dat elke daad van diens, hoe klein ook al, bydra tot die bou van sterker gemeenskappe en 'n meer volhoubare toekoms. 

Hierdie sorgvuldig saamgestelde habitatbeddings verteenwoordig van Suid-Afrika se mees kwesbare plantgemeenskappe. Soos baie natuurlike ekosisteme verg hulle voortdurende sorg en rentmeesterskap om te oorleef en te floreer. Deur te help om indringeronkruid te verwyder, sal vrywilligers 'n direkte rol speel in die beskerming van inheemse biodiversiteit en die bewaring van 'n belangrike bewarings- en opvoedkundige hulpbron vir toekomstige geslagte. 

Net soos Mandela se nalatenskap, is bewaring gegrond op die oortuiging dat die optrede van vandag die wêreld sal vorm wat ons môre agterlaat. Of ons nou mense ondersteun, ekosisteme beskerm of ons gemeenskappe versterk, blywende verandering vind plaas wanneer individue saamwerk in diens van 'n gemeenskaplike doel. 

Die USBT nooi daarom personeel, studente en lede van die breër gemeenskap uit om hierdie Mandela-dag hul 67 minute te gebruik om 'n verskil te maak. 

Plekke is beperk en bespreking is noodsaaklik. 

Vir navrae of om jou plek te bespreek, kontak Razelle by mailto:. 

Want dit is steeds in ons hande.