Vir studente wat hulle finale uitslae wil laat herbeoordeel, is die volgende twee opsies beskikbaar: die herberekening van finale punte en die herevaluering van antwoordstelle. Hierdie afdeling is van toepassing op alle programme en modules wat op die Stellenbosch-kampus aangebied word. Studente van die Fakulteit Geneeskunde en Gesondheidswetenskappe kan navrae stuur na [email protected]. Op die Stellenbosch-kampus kan navrae gerig word aan [email protected]  

Die herberekening van 'n finale punt word uitgevoer deur die betrokke dosent of departement om jou finale punt te bevestig of te herbereken. Die oogmerk is om te verseker dat die toekenning en die som van alle assesseringskomponente akkuraat bereken is. 

Die herevaluering van ‘n antwoorstel is ‘n formele eksterne evaluering van die geassesseerde werk/antwoordstel om die gehalte daarvan te herbeoordeel, en te bevestig of die toegekende punt geregverdig is en ooreenstem met die vasgestelde kriteria.  

Studente word ten sterkste aangeraai om hul antwoordstelle noukeurig na te gaan voordat hulle aansoek doen vir die herberekening van finale punte of die herevaluering van antwoordstelle. Raadpleeg die Jaarboek 2025, Deel 1 (Algemene Reëls) vir inligting oor die aansoekprosedures.

• Bespreek jou voorneme om aansoek te doen vir die herberekening van 'n finale punt direk met jou fakulteitsadministrateur. Raadpleeg die Jaarboek 2025, Deel 1 (Algemene Reëls) vir meer inligting.
• Die koste vir die herberekening van punte beloop R100 per versoek (onderhewig aan verandering vir 2026). Stuur asseblief die betalingsbewys (verwysing: herberekeningsversoek en die naam van jou fakulteit) saam met jou versoek per epos na jou fakulteitsadministrateur.
• Julle behoort binne vyf (5) werksdae na die sluitingsdatum van julle fakulteitsadministrateur terugvoer te ontvang.
• Elektroniese betalings: Standard Bank (Stellenbosch) | takkode: 050 610 | rekeningnommer: 063163225 | SWIFT kode: SBZAZAJJ. Gebruik asseblief jou studentenommer as verwysing vir EFT-betalings.
• Die sluitingsdatum vir versoeke (2025) vir die herberekening van jaareind-punte is Vrydag, 13 Februarie 2026.

• Indien jy, selfs na 'n herberekening, nie 'n module slaag nie, maar jou finale punt is minstens 45% en jy is van mening dat jou A2-, A2S2- of A3-assesseringspunt steeds foutief is, kan jy aansoek doen vir 'n herevaluering van jou antwoordstel(le).
• Klik op die skakel vir die aansoekvorm en betalingsprosedures vir die herevaluering van A2- en A3-antwoordstelle.
• Die koste vir die herevaluering van antwoordstelle beloop R840 elk (onderhewig aan verandering vir 2026).
• Die sluitingsdatum vir aansoeke (2025) vir die herevaluering van jaareind-antwoordstelle is Vrydag, 20 Februarie 2026.
• Navrae oor herevalueringsaansoeke kan na [email protected] gestuur word.
• Julle behoort binne 10 werksdae na die sluitingsdatum van [email protected] terugoer te ontvang.
• Studente kan eers vir die herevaluering van 'n antwoordstel aansoek doen nadat 'n A3-assessering afgehandel is. Die herevaluering van antwoordstelle is net van toepassing op finale A2- en A3-punte.