Dokumentasiesentrum vir Musiek (DOMUS)

Die Dokumentasiesentrum vir Musiek (DOMUS) is die Spesiale Versamelings-afdeling van die Musiekbiblioteek wat geleë is in die Konservatorium op die Stellenbosch-kampus. 

DOMUS bevat 'n aansienlike hoeveelheid seldsame en waardevolle versamelings van musieknavorsers, musici, musiekinstellings en -verenigings. Hierdie versamelings bestaan uit verskeie formate soos boeke, dokumente, foto's, manuskripte, klankopnames en ander materiaal.

Dit word bekom deur middel van bemakings en skenkings en is meestal van Suid-Afrikaanse belang, ook in 'n internasionale konteks.

Die doel van DOMUS is hoofsaaklik die versameling en bewaring van skaars materiale verteenwoordigend van die Suid-Afrikaanse demografie en om toegang te verleen tot navorsing op hierdie belangrike versamelings.

Waar is ons geleë?
Musiekbiblioteek, Boonste vlak
 

Openingsure
Maandag - Vrydag: 08:00 - 16:30
Saterdag: Gesluit

DOMUS is gesluit op alle openbare vakansiedae en tussen Kersfees en Nuwejaar.


Dienste

  • Opsommings van versamelings: algemene opsommings van versamelings
  • Vindlyste: volledige beskrywings van individuele versamelings en items binne versamelings. Indien vindlyste nie beskikbaar is nie kan ons gekontak word vir voorsorteringslyste soos benodig.
  • Voorlopige sorteringslyste: basiese inligting oor die inhoud van versamelings
  • SUNDigital​ (digitale versameling)


Gebruik die versamelings

  • Geen materiaal mag uitgeleen word nie.
  • Reproduksie van geselekteerde materiaal is moontlik, maar onderhewig aan kopiereg, die waarde, ouderdom en fisiese toestand van die materiaal. Doen asb. navraag by die personeellid aan diens.
  • Digitale kameras mag binne die afdeling gebruik word.
  • DOMUS-personeel sal die aangevraagde items uit die versamelings gaan haal.

 

Ons bedien

  • die dosente, personeel, navorsers en studente van die Departement Musiek/die Konservatorium en Africa Open Institute
  • ander geregistreerde dosente, personeel, navorsers en studente van die Universiteit Stellenbosch
  • nie-US geafillieerde navorsers wat DOMUS-versamelings wil raadpleeg
  • lede van die publiek wat DOMUS-versamelings wil raadpleeg.


 

Algemene dienste

Ons bied

  • inligtingsdienste
  • beskikbaarstelling van oorspronklike manuskripte en ander materiaal in DOMUS


 

Musiek-biblioteekgids

Ons help

  • kliënte met bibliografiese soektogte
  • navorsers wat werk op DOMUS-versamelings
DOMUS-biblioteekgids

Ons verskaf

  • basiese opleiding in die gebruik van argivale bronne

     

     
     

Kontak ons

Spesiale Versamelings-bibliotekaris
Dr. Santie de Jongh
+27 21 808 2597