Strukturele Ingenieurswese en Siviele Ingenieursinformatika

Strukturele ingenieurswese is die tak van siviele ingenieurswese wat handel oor groot, moderne geboue en soortgelyke strukture. Die fokus van Siviele ingenieursinformatika is op fundamentele metodes, modelle en prosesse van siviele ingenieurswese, sowel as inligtingstegnologie. Dit bied die basis vir die sistematiese kartering van probleme na die rekenaar op so 'n manier dat die potensiaal van inligtingstegnologie ten volle benut kan word.

Waaroor gaan dit?

Alle aspekte van strukturele ingenieurswese word binne die groep voorsien, insluitend strukturele analise en berekeningsmeganika, beton, staal en ander strukture, boumateriaal met spesiale verwysing na betontegnologie en messelwerk en brandingenieurswese. Fasiliteite is beskikbaar vir die eksperimentele en numeriese ondersoek van strukture.

Onderrig word verskaf en navorsing word gedoen om te lei tot verbeterde ontwerp en konstruksie van siviele ingenieursstrukture. Die veld van Inligtingstegnologie vir Siviele Ingenieurs, wat binne hierdie Groep val, maak voorsiening vir die uitgebreide gebruik van inligting en modellering in siviele ingenieurswese.

Spesialiseringsvelde binne die Groep sluit in betontegnologie, 3D-drukwerk, boumateriaal en volhoubaarheid, brandingenieurswese, strukturele betroubaarheid, staalstrukture, toepassing van inligtingstegnologie, fasiliteitsbestuur en bou-infrastruktuur. 'n Goed toegeruste materiaallaboratorium en 'n groot strukturele laboratorium met servo-hidrouliese laaitoerusting en gerekenariseerde datametingstelsels ondersteun gevorderde studies en navorsing. Uitgebreide rekenaarfasiliteite ondersteun strukturele analise en inligtingstegnologie vir siviele ingenieurs.

Die Groep bied ook spesialiskonsultasiedienste aan die industrie. Benewens opdragnavorsing, word die industrie die geleentheid gebied om akademiese navorsing te ondersteun en die opleiding van spesialiste in die nagraadse programme te ondersteun.

Binne die Groep streef die Sentrum vir die Ontwikkeling van Volhoubare Infrastruktuur (CDSI) en die Eenheid vir Konstruksiemateriaal (UCM) daarna om sentrums van uitnemendheid en topinstitute vir infrastruktuurontwikkeling en konstruksiemateriaal in Suid-Afrika te wees vir onderrig, navorsing en konsultasie. Lede sluit beide personeel en nagraadse studente in, met 'n wye netwerk van plaaslike en internasionale medewerkers. Studente-opleiding en -onderrig is die fundamentele funksie van die CDSI en die UCM, maar diens aan die bedryf deur middel van konsultasie en verspreiding van inligting in die vorm van seminare is van die allergrootste belang om relevansie te verseker.

Vir navrae rakende laboratoriumtoetsdienste, kontak Prof Riaan Combrinck..

Navorsers