Tygerberg Doktorale Kantoor
forward together ● sonke siya phambili ● saam vorentoe
Die Universiteit Stellenbosch sal Afrika se voorste navorsingsintensiewe universiteit wees wat wêreldwyd as uitnemend, inklusief, en innoverend erken word en waar ons kennis tot diens van die samelewing bevorder. Ons lok uitmuntende studente, stel talentvolle personeel aan, en bied 'n bevorderlike omgewing; 'n plek wat tot die welstand van plaaslike en verafgeleë gemeenskappe bydra.
Die Tygerberg Doktorale Kantoor is 'n kragbron vir PhD-studies in die Matie Fakulteit van Geneeskunde en Gesondheidswetenskappe - vanaf navorsingsvoorstel tot en met gradeplegtigheid en sukses. Die FGGW tel onder die top 150 opleidingsinstansies ter wêreld in geneeskunde en geskondheidswetenskappe, en onder die top 4 in Afrika. Ons kampus is in die skilderagtige Tygerbergomgewing van Kaapstad, Suid-Afrika geleë. Die kantoor vervul die sekretariaat-rol van die FGGW Komitee vir Nagraadse Navorsing; bied die US Pre-Doktorale Kortkursus in Geneeskunde en Gesondheidswetenskappe aan; hanteer die eksaminering van proefskrifte in (100%) navorsingsmagistergrade; en verskaf omvangryke steun aan alle belanghebbendes by PhD-studies. Ons PhD-steun webblaaie bevat besonderhede oor elke stap in die doktorale proses. 'n Kort oorsig van hierdie hulpbronne is ook in brosjureformaat beskikbaar. Die spesifieke regulasies wat op doktorale studente van toepassing is, word uiteengesit in die US Jaarboek (Deel 1 - Algemeen) asook in die FGGW Fakulteitsjaarboek (Deel 12 van die SU Jaarboek). By linktr.ee/tyg_phd word ons doktorale graduandi met trots belig.
🟠PhD steun
Omvangreikende steun vir alle aspekte van doktorale studies in die FGGW, vanaf formele keuring, deur die oorsig van die navorsingsvoorstel, tot en met eksaminering, word deur die Tygerberg Doktorale Kantoor gebied. Me Brigitta Kepkey verwelkom navrae by
[email protected].
🟠KNN
Die FGGW se Komitee vir Nagraadse Navorsing (KNN) oorweeg alle sake rakende navorsingsmeesters- en doktorale grade namens die Fakulteitsraad.Die Tygerberg Doktorale Kantoor tree as die sekretariaat van hierdie komitee op.Skryf aan ons by [email protected].
🟠Pre-doktorale Kortkursus
Die Tygerberg Doktorale kantoor fasiliteer jaarliks die US Pre-Doktorale Kortkursus in Geneeskunde en Gesondheidswetenskappe. Keuring is kompeterend en getalle word beperk. Die kursus word van 18 tot 29 Mei 2026 beplan. Rig navrae aan dr Chanelle Windvogel by [email protected].
🟠Doktorale Eksaminering
Doktorale eksaminering kry die voorkeur-aandag van me Tamarra Adriaanse via ons toegewyde doktorale eksamenposbus by [email protected]. Fyner besonderhede oor die vereistes vir die verhandeling is ook beskikbaar.
🟠Doktorale Gemeenskap
Die Matie-gemeenskap baat by 'n wye verskeidenheid van geleenthede vir akademiese, kulturele, sport-, sosiale en vaardigheidsverryking. Sien ons keur van opsies wat besonderlik geskik is om samesyn en groei binne die Tygerberg doktorale gemeenskap te bevorder.
🟠Navorsingsmeesters
Dr Chanelle Windvogel ontvang navorsings-meesters tesisse vir eksaminering by [email protected]. Stuur 'n enkele epos met die finale proefskrif, Turnitin-verslag, vrystellingsvorm, en waar van toepassing, die merkraamwerk.
🟠Struktuur
Die Tygerberg Doktorale Kantoor is een van sewe FGGW-kantore vir Navorsings- en Internasionaliseringsontwikkeling en -Steun (NIOS). NIOS bevorder navorsingsuitnemendheid op alle vlakke van die Fakulteit Geneeskunde en Gesondheidswetenskappe, deur sy portefeulje van navorsingsontwikkeling, befondsingsondersteuning, etiekfasilitering, en internasionalisering. Klik hieronder om meer te lees en 'n groter weergawe van ons organogram te sien.
