By die Universiteit Stellenbosch (US) is ons ten volle verbind tot die nastrewing van kennis, navorsing en innovering. Ons bied ’n sentrum van leer en ontwikkeling wat wêreldklas en globaal relevant is, en terselfdertyd in die opheffing en transformasie van ons plaaslike gemeenskappe veranker is.

Die US Visie en Strategie word gerig deur Visie 2040 en ons Strategiese Raamwerk. Visie 2040 is ’n samevatting van die US se visie- en missiestelling, waardes, kenmerke en instaatstellers, terwyl die Strategiese Raamwerk aandag skenk aan die Universiteit se strategiese temas wat die US se kernbedrywighede en sleutelbelanghebbendes insluit.

Ons institusionele doelwitte en doelstellings word in ons Strategieplan 2026-2030 vasgelê en bied die raamwerk vir ons jaarlikse beplanningsiklusse, asook alle implementeringsplanne wat daarop volg.