Trane van vreugde, breë glimlagte en ’n algemene gevoel van prestasie was Donderdag (23 Oktober 2025) aan die orde van die dag op ’n spesiale geleentheid by die Brandvlei Korrektiewe Sentrum net buite Worcester. Vriende, families en dosente het bymekaargekom om die prestasie van suksesvolle kursusgangers van die Ubuntu-leergemeenskap Interdissiplinêre Kortkursus te vier. Deelnemers het sertifikate ontvang vir die voltooiing van ’n US-geakkrediteerde interdissiplinêre kortkursus wat deur US-akademici van verskeie fakulteite en departemente gefasiliteer is: Geskiedenis, Regsgeleerdheid, Engels en Ekonomie.

Die Universiteit Stellenbosch en Nelson Mandela-Universiteit nooi u uit na ’n Gedenksimposium ter ere van prof Lis Lange, wat op 8 Oktober 2025 oorlede is.

Prof Wikus van Niekerk, Dekaan van Ingenieurswese, nooi u hartlik uit om dié mylpaal in die merkwaardige akademiese reis van Professor Bernard Bekker en Professor Arnold Rix saam te vier.

Mid Semester 1 Reses: 28 Maart - 6 April 2026

Universiteit open na Desember reses

Die Universiteit ken jaarliks eredoktorsgrade toe. Eredoktorsgrade word toegeken aan buitengewone individue wat hulself in hul onderskeie vakgebiede onderskei het en ‘n betekenisvolle bydrae tot die samelewing gemaak het. Die ontvangers is prof Abdulrazak Gurnah, Colin Deiner, Chris Otto, dr Olive Shisana en dr Tjaart Johannes van der Walt.

Die Universiteit Stellenbosch het Suid-Afrika se onbesonge kampvegters vir gelykheid met die jaarlikse Toekennings vir Kampvegters vir Sosiale Geregtigheid vereer. Dr Sheena Swemmer, Sonja Cilliers, Chevano Frans en Lesego Louw is erken vir die bevordering van geregtigheid en gemeenskapsopheffing. Sprekers het ’n oproep om gesamentlike optrede gedoen en gaste daaraan herinner dat maatskaplike geregtigheid empatie, moed en gedeelde verantwoordelikheid vereis.

Die Universiteit Stellenbosch se mediabestuurder, Martin Viljoen, is vir sy meer as twee dekades se diens aan die media en gemeenskapsbetrokkenheid vereer. Die e'Bosch-eretoekennings vier individue wat gemeenskapsbande versterk en plaaslike erfenis bevorder. Die geleentheid het die belangrikheid van storievertelling, samewerking en gedeelde identiteit in Stellenbosch se diverse gemeenskappe beklemtoon.

Twee studente van die Universiteit Stellenbosch (US), Haingo Andry en Simon Malan, is as ontvangers van die gesogte 2025 Globale Google PhD-genootskappe aangewys. Die program bied aan ontvangers direkte finansiële ondersteuning vir hulle PhD-studie en hulle word met 'n toegewyde Google-navorsingsmentor verbind. Die aansoeke word op grond van die navorsingsvoorstel, navorsingsimpak, studente se akademiese prestasies en leierskappotensiaal beoordeel.

Prof Herman Kamper van die Departement Elektriese en Elektroniese Ingenieurswese het Dinsdag 21 Oktober 2025 sy intreerede gelewer. Hy fokus op metodes wat masjiene in staat stel om gesproke taal outonoom te leer. Hy poog om beter spraak- en taaltegnologie te ontwikkel.