Navorsingsdatabestuur-dienste

Adviserende dienste

Konsultasie in terme van die volgende kwessies:

  • Skep van databestuursplanne
  • Bestuur van navorsingsdata tydens die navorsingsproses
  • Bestuur van navorsingsdata na afloop van die navorsingsproses
  • Metodes vir die deel, beskikbaarstelling en verspreiding van data
  • Gepaste platforms vir die deel, beskikbaarstelling en verspreiding van navorsingsdata

Opleidingsessies

Twee geskeduleerde sessies word aangebied:

  • Oorsig oor navorsingsdatabestuur
  • Beskikbaarstelling en verspreiding van data
     

Opleidingsessies vir spesifieke departemente of belangegroepe kan versoek en gereël word.

Navorsingsdatabestuur Avontuurspeletjie

Die Biblioteek in samewerking met die Universiteit van Bath het ‘n Navorsingsdatabestuur Avontuurspeletjie ontwerp met die doel om navorsers meer te leer oor navorsingsdatabestuur op ‘n prettige en vermaaklike wyse. Dit is ‘n teksgebaseerde fiktiewe ernstige speletjie met elemente van rolspel, gebaseer op die databestuursuitdagings van ‘n navorsingsprojek. Dit is ‘n aanlyn speletjie waar spelers hul eie avontuur kies deur ‘n gesimuleerde navorsingsprojek wat die volgende stappe dek: navorsingsdatabeplanning; inwin van data, organisering van data, beskrywing van data and publikasie. Tydens die spel word navorsingsuitdagings telkens teëgekom. 

Speel die speletjie

SUNScholarData

SUNScholarData is die institusionele navorsingsdata-bewaarplek van die Universiteit Stellenbosch. Dit bied ’n veilige platform vir die registrasie, berging, deling en verspreiding van navorsingsdata wat onder die vaandel van die universiteit gegenereer is. Die bewaarplek ondersteun goeie navorsingsdatabestuurspraktyke en bevorder vindbaarheid, toeganklikheid, interoperabiliteit en herbruikbaarheid (FAIR-beginsels).

Hoekom jy SUNScholarData moet gebruik

  • Maak jou navorsingsdata vindbaar en toeganklik.
  • Verseker langtermynbewaring en nakoming van institusionele en befondsingsvereistes.
  • Fasiliteer samewerking met navorsers plaaslik en internasionaal.
  • Verhoog die impak en sigbaarheid van jou navorsing deur datadeling.

Sleutelkenmerke

  • Data-deponering en publisering met volhoubare DOI’s.
  • Slegs-metadata-rekords vir datastelle wat elders gestoor word.
  • Embargo-opsies vir beheerste vrystelling.
  • Samewerkingsruimtes vir projekspanne.
  • Gebruiksstatistieke en impakverslagdoening.
  • Kureringswerkvloeie om gehalte en nakoming te verseker.

Datakurasiedienste

  • Inname en berging van navorsingsdata.
  • Bemiddeling van voorleggings en beoordeling van geskiktheid.
  • Toekenning en bestuur van metadata.
  • Fasilitering van toegang en monitering van hergebruik.

Bestuur en Beleide
 

 

Besoek SUNScholarData

           Aangedryf deur Figshare

Selfhelpgidse

SUNScholarData-biblioteekgids
  • Hierdie gids ondersteun die gebruik van die SUNScholarData-institusionele navorsingsdata-bewaarplek.
Navorsingsdatabestuur-biblioteekgids
  • ​Hierdie gids bied ’n rykdom van inligting rakende die bestuur van navorsingsdata.

Kontak ons

Kirchner van Deventer
Bestuurder: Navorsingsdatadienste
+27 21 808 9489
Sizwe Ngcobo
Navorsingsdatadienste Bibliotekaris