Om oorweeg te word vir Stellenbosch Universiteit se Drama Departement, moet jy na Stellenbosch kom vir ’n in-persoon oudisie of onderhoud. 

Jy sal ongeveer drie weke voor jou toegewysde groep ’n e-pos van die Drama Departement ontvang. 

Hierdie e-pos sal jou vra om sekere persoonlike inligting te verskaf en ’n tydgleuf te kies vir jou oudisie (Performance-stroom) of onderhoud (Tegniese en Bestuursopleidingsstroom). 

Applikante vir Tegniese en Bestuursopleiding sal ook ’n kort vraelys moet voltooi wat per e-pos verskaf sal word. 

• Die oudisieproses word in twee dele verdeel: 
  • Individuele voorbereide materiaal 
  • Onvoorbereide groepaktiwiteite 
• Kandidate sal in spesifieke groepe ingedeel word, wat elk na verskillende lokale beweeg om die twee fases te voltooi. 
• Verskeie panele, elk bestaande uit drie personeellede, sal elke kandidaat se individuele oudisie beoordeel. 
• Ná die individuele oudisies neem alle deelnemers deel aan begeleide groepaktiwiteite. 
• Kandidate in ’n bepaalde groep mag vertrek nadat die groepaktiwiteite voltooi is. 
• Die volledige oudisieproses duur ongeveer twee en ’n half uur.  

Jy moet TWEE items voorberei: 

• ’n 2-minute monoloog OF ’n 2-minute prosastuk 

                                           EN  

• ’n Gedig van nie langer as 2 minute nie  

Geen selfgeskrewe stukke word toegelaat nie. 

• Kandidate wat nie albei stukke voldoende voorberei nie, sal ongelukkig gediskwalifiseer word. 
• Trek asseblief gemaklike klere aan waarin jy kan beweeg, verkieslik swart. 
• Alle kandidate moet 20 minute voor hul aangewese tydgleuf by die Drama Departement aanmeld (geleë op die hoek van Andringa- en Crozierstraat, Stellenbosch). Let daarop dat parkeerplek in die dorp beperk is, so beplan genoeg tyd om parkering te kry. 
• Die paneel se besluit is finaal en geen korrespondensie sal daaroor gevoer word nie. 

• Die onderhoude vir Tegniese en Bestuuropleiding vind persoonlik plaas by die Drama Departement van Stellenbosch Universiteit. 
• Verskillende panele, elk bestaande uit 2 personeellede, sal die onderhoude fasiliteer. 
• Elke sessie (maksimum 3 kandidate) duur 30 minute. 
• Daar kan van jou verwag word om ’n kort praktiese oefening te doen om jou potensiaal vir die kursus te demonstreer. Instruksies hiervoor sal tydens jou tydgleuf gegee word. 
• Ná jou tydgleuf is jy vry om te vertrek. 

• As jy vrae het, kontak gerus

• Me Brenda Chordnum (Algemene kantoor: Drama) 

  Kantoor: 1002  

  Telefoon: 021 808 3216  

  E-pos: [email protected]