Dit is weereens die tyd van die jaar wanneer personeel en studente deur vrywilligerswerk kans te kry om tot sosiale impak by te dra.  Op institusionele vlak is die fokus om geleenthede rondom Mandela Dag te skep wat kan lei tot deurlopende, volgehoue vrywilligerswerk deur studente en personeel.

Die inligting wat volg sit die geleenthede vir vrywilligerswerk in Julie 2016 uiteen.  Indien jy wil uithelp, voltooi asseblief die vrywilligersvorm​.

KONTAKPERSONE:

Diskoerskafee: Sibonelo Sosibo – [email protected]

Leesmaraton: Faika Haroun – [email protected]

Sportdag: Angeline Boyd – [email protected]

Toasties for Tummies: Michelle Pietersen [email protected] / 021 808 3643 of Spurgeon Wilson – [email protected]

Verfwerk by die Stellenbosch Werksentrum: Maureen Kennedy – [email protected] of 021 808 4824

Crystal Hendrickse: [email protected]

"VERFWERK BY DIE STELLENBOSCH WERKSENTRUM"

INLIGTING

Die Missie

Die Stellenbosch Werksentrum vir Volwassenes met Gestremdhede fokus op die ekonomiese bemagtiging en sosiale integrasie van volwassenes met gestremdhede in Stellenbosch en omringende areas.  Hierdie Werksentrum is 25 jaar gelede deur die Universiteit Stellenbosch (Matie Gemeenskapsdiens) begin.

Die Sentrum bied bemagtings- en ontwikkelingsprogramme aan persone tussen die ouderdomme van 18 en 55 wat intellektuele, verstandelike en/of fisiese gebreke het.

Die program behels werkrehabilitasie om arbeidskapasiteit en -potensiaal te verbeter en te ontwikkel, en om verder ook vlakke van onafhanklikheid en selfwaarde te verhoog.  Die werk self beslaan arbeidsintensiewe aktiwiteite wat deel vorm van die skepping van items wat deur kommersiële instellings en regeringsorgane gebruik word.  Op die lange duur hoop die Sentrum om 'n vlak van vaardigheid by persone te ontwikkel om hulle in staat te stel om ander werksgeleenthede in die ope arbeidsmark te vind, 'n beter inkomste te verdien en 'n hoër lewenstandaard te behaal.

Die tweede en komplementêre program is gemik daarop om die persoon by gemeenskapslewe te integreer deur lewensvaardighede- en werkvaardighede-opleiding en -deelname aan georganiseerde sport en algemene ontspanningsaktiwiteite.

Die Doelwit van die Organisasie

Die verskaffing van 'n werkrehabilitasieprogram om die vervulling van 'n werkersrol wat sin, doel, orde en ritme in die lewe van persone met gestremdhede bring te versterk en te handhaaf.

Hierdie vrywilligersgeleentheid om verfwerk by die Werksentrum te doen is oop vir alle Universiteit Stellenbosch-personeel in uurtydgleuwe.

DATUM:               Maandag, 18 Julie 2016

PLEK:                     STELLENBOSCH WERKSENTRUM

TYD:                       12:30-15:30        

"DISKOERSKAFEE"

INLIGTING

Die Frederik Van Zyl Slabbert Instituut vir Studenteleierskapontwikkeling bied weereens hulle jaarlike Mandela Dag Diskoerskafee aan, met prof Rachel Jafta as gasspreker. Die onderwerp is: intergenerasie-gesprekke oor plaaslike en wêreldkwessies.​

DATUM:               Dinsdag, 19 Julie 2016

PLEK:                     JH Neethling Gebou, Victoriastraat, Stellenbosch

TYD:                       17:00

RSVP:                    [email protected] voor 15 Julie 2016

​"TOASTIES FOR TUMMIES"

AGTERGRONDINLIGTING

Toasties for Tummies is 'n inisiatief waarin verskillende organisasies en belanghebbers saamkom om toebroodjies vir verskeie skole en organisasies in en om Stellenbosch te maak.  Die doel is om soveel as moontlik personeel, studente, organisasies en borge te kry om met die maak van die toebroodjies te help.  Vanjaar se doelwit is om 10 000 toebroodjies te maak en te verskaf.

PROSES:

Die proses om die toebroodjies te maak sal Woensdag, 20 Julie 2016, in die VV Saal (Neelsie, boonste vloer) op die Stellenboschkampus plaasvind.

Tydgleuwe vir personeel en studente (US-gemeenskap):

Stellenboschkampus:

Maak van die toebroodjies:        10:00-11:30

                                                    11:30-13:00

                                                    13h00-14h00

  DONASIES/BORGSKAPPE:

Afdelings en fakulteite word aangemoedig om enige van die volgende items vir die toebroodjies te skenk:

• Brood;
• Franse Polonie;
• Blaarslaai;
• Mayonnaise

Let wel: Alle donasies moet op Woensdag, 20 Julie 2016, teen 09:00 by die bogenoemde lokaal afgelewer word.

​"SORGPAKKIES & KOSPAKKIES VIR STUDENTE"

​Ons mikpunt is om 6 700 nie-bederfbare kosprodukte en toiletware in te samel vir studente wat 'n behoefte aan hierdie items het en wat finansieel swaarkry terwyl hulle besig is om te studeer. 

As deel van vanjaar se Mandela Dag-vieringe, versoek ons dat personeel en studente toiletware (sorgpakkies) en nie-bederfbare kosprodukte aan studente wat dit nodig het skenk.

Die volgende items word benodig:

Nie-bederfbare kosprodukte

• sousbone
• blikkies vis
• rys
• tweeminuut-noedels
• kitssop-pakkies
• pasta
• blikkies gemengde groente
• ertjies
• soetmielies
• hawer en enige ander voedsame nie-bederfbare kos

​Sorgpakkies

Toiletware-pakkies moet asseblief die volgende basiese items bevat:

• seep
• tandepasta
• aanroldeodorant
• vaseline
• lyfroom

Gebruik jou 67 minute om hierdie items vanaf 18 tot 29 Julie 2016 by die volgende lokale af te lewer:

• Sentrum vir Studentevoorligting en -ontwikkeling (SSVO) by Victoriastraat 37
• Die Kantoor van die Maatskaplike Werker by Victoria Straat 49
• Transformasiekantoor in die Admin A-gebou (gebruik die IT HUB-ingang)
• Tolkdienste, Taalsentrum, Kamer 1028, Admin A-gebou (gebruik die IT HUB-ingang)

Vir verdere inligting, kontak asseblief die volgende personeellede:

• Cheryl Cornelissen – [email protected] of 021 808 4182

• Lize Kruger – [email protected] of 021 808 4182

• Lizzie Witbooi – [email protected] of 021 808 4511

• Melanie Willems – [email protected] of 021 808 4707

• Grizelda Adams – [email protected] of 021 808 4010

"STOWE VIR TIEN DORPE"

AGTERGRONDINLIGTING

Die aktiwiteit bied vir personeel en studente die geleentheid om in groepe van 4 tot 6 persone, of as individu, 'n stoof te skenk.  Die waarde van die stowe is R700,00 elk.  Daar sal 'n platform op die Universiteit Stellenbosch-webwerf beskikbaar gestel word om die skenkings vir die koop van die stowe te maak.

Wenners sal aan die einde van die skenkingstydperk deur 'n loting uit die skenkers aangewys word.

Die volgende pryse kan gewen word:

• Restaurant-geskenkbewyse vir twee mense by toprestaurante in Stellenbosch, insluitende Delaire Graff en Big Easy Stellenbosch
• Gratis wynproe-geleenthede by drie wynplase vir groepskenkers – insluitende by Jordan Wines en Simonsrust

Ons sal die kompetisies en skenkings op die Rooiplein en in die Neelsie afskop, met die bak van pannekoeke op die stowe, om te wys hoe hulle werk.  Die stowe werk nie met elektrisiteit nie en is gemaak vir mense wat nie toegang tot elektrisiteit tydens die winter het nie.

Ons gaan ook die #StoveNomination-kompetisie loods as aansporing vir fakulteite, administratiewe afdelings, verenigings, koshuise en PSO-wyke om mekaar se skenkings te ewenaar of selfs te oortref. 

AANVANG:

DATUM:               Vrydag, 22 Julie 2016

PLEK:                     Rooiplein/Neelsie

                              Universiteit Stellenbosch

TYD:                       12:00-14:00

Indien jy enige verdere inligting verlang, e-pos asseblief vir Daniele Bezuidenhoudt of vir Nathan Daniels by [email protected] of [email protected] teen 18 Julie 2016.

BEVOORDEELDES:

Die bevoordeeldes sal die mense van die tien dorpe rondom Stellenbosch wat nie toegang tot elektrisiteit het nie wees.  Daar sal ook 'n opsie wees om 'n stoof aan iemand in jou gemeenskap wat jy weet een nodig het te skenk.

"LEESMARATON"

AGTERGRONDINLIGTING

Die Leesmaraton bied die geleentheid vir personeel en studente om aan te bied om as stasiebestuurders te dien in 'n aktiwiteit waartydens leerders van Lückhoff Hoërskool 'n stuk teks sal kry om te lees en begripsvrae daaroor te beantwoord of instruksies sal kry vir die uitvoering van 'n spesifieke taak.

DATUM:               Vrydag, 22 Julie 2016

PLEK:                    Lückhoff Hoërskool

                              Idasvallei

                              Stellenbosch

TYD:                      13:00-14:30

DAAR SAL VERVOER NA EN TERUG VAN DIE SKOOL AF VERSKAF WORD VANAF ADMIN A.

Vertrektyd: 12:30

Terugkering (vertrek vanaf die skool): 14:30

Indien jy wil aanbied om te help, stuur asseblief die vrywilligersvorm aan Maureen Kennedy by [email protected] teen 18 Julie 2016.

"SPORTDAG"

AGTERGRONDINLIGTING

Hierdie aktiwiteit is 'n geleentheid vir personeel en studente om hulle tyd beskikbaar te stel om saam met die leerders van Lückhoff Hoërskool aan 'n sportdag deel te neem.

DATUM:               Vrydag, 22 Julie 2016

PLEK:                     Lückhoff Hoërskool

                               Idasvallei

                              Stellenbosch

TYD:                      13:00-15:00

DAAR SAL VERVOER NA EN TERUG VAN DIE SKOOL AF VERSKAF WORD VANAF ADMIN B.

Vertrektyd: 12:30

Terugkering (vertrek vanaf die skool): 15:00

Indien jy wil aanbied om te help, stuur asseblief die vrywilligersvorm aan Maureen Kennedy by [email protected] teen Vrydag, 15 Julie 2016.

"TYGERBERGKAMPUS"

As deel van vanjaar se Mandela Dag-vieringe, en om die sestigste verjaarsdag van die Fakulteit Geneeskunde en Gesondheidswetenskappe en die veertigste verjaarsdag van Tygerberg Hospitaal te vier, sal personeel en studente die geleentheid kry om hulle 67 minute te skenk in die vorm van twee projekte.

Personeellede sal sorgpakkies aan alle pasiënte in Tygerberg Hospitaal verskaf, en ook aan die ma's wat by hulle kinders in die kindersaal bly.

Studente sal kans kry om dankie te sê vir die belangrike werk wat verpleegkundiges doen as die ruggraat van die Suid-Afrikaanse Gesondheidsorg-sektor.  Studente wil graag hulle waardering uitspreek vir die werk, tyd en moeite wat verpleegpersoneel tot studente se professionele ontwikkeling bydra.  Op 19 Julie sal daar 'n klein "geskenkie" met 'n persoonlike boodskap vir elke verpleegkundige in die Hospitaal gegee word om hulle te bedank vir die rol wat hulle speel in die persoonlike en professionele ontwikkeling van ons studente.

 Voltooi asseblief die vrywilligersvorm​​​ vir die Tygerbergkampus.

KONTAKPERSONE:

Personeelinisiatief: Nadia Goliath by [email protected]

Studente-inisiatief: Avril Whate by [email protected]