• ​Woordverwerking, die identifisering van fopnuus, plagiaat, hoe om 'n verantwoordelike aanlyn burger te wees en digitale geletterdheid is van die noodsaaklike vaardighede wat eerstejaar sal aanleer

Die module, wat ses krediete tel en deur die Departement Joernalistiek saamgestel is – gebruik van die beginsels van spelontwerp (in Engels beter bekend as gamification) in leer om studente van verskeie fakulteite, insluitende Kunste en Sosiale Wetenskappe, Teologie, Regte en Geneeskunde en Gesondheidswetenskappe (Spraakheelkunde), met die nodige instrument toe te rus wat hulle nodig het om toegang tot akademiese doeleindes te kry en om dit te gebruik. Die vaardighede, wat alles dek van woordverwerking en toegang tot biblioteekbronne tot digitale geletterdheid, kan in alle aspekte van hulle studie aangewend word. “Dit is vaardighede wat studente regdeur hulle universiteitsloopbaan sal ondersteun en bied 'n stewige grondslag vir toekomstige leer," sê dr Marenet Jordaan, senior dosent by die Departement Joernalistiek en een van die module se aanbieders.

“Dit is 'n groot onderneming vir 'n departement wat die afgelope 40 jaar op nagraadse studie gefokus het. Ons het nog nooit die geleentheid gehad om voorgraadse studente by ons program te betrek nie. Ons hoop ook om nou met hierdie module hulle opgewonde te maak oor alles wat die joernalistiek kan bied," sê Jordaan.

Interaktiewe, hibridiese benadering

Die kursus is as 'n “sloertoer" ontwerp met akademiese sukses as eindbestemming. As die departement se eerste volledige hibridiese module, vind baie van die leer aanlyn plaas met die studente wat “agter die stuur" is en hulle pad deur selfstudiemateriaal vind. Hierdie hibridiese benadering bied sinchroniese en nie-sinchroniese leergeleenthede – 'n sleutelfokus vir die Universiteit. Die module sluit klasse per regstreekse stroomuitsending op Microsoft Teams, eweknie-geassesseerde werkopdragte en interaktiewe vasvrae in.

'n Medewerkende poging

Hoewel die Departement Joernalistiek die leiding geneem het om die Kennisvaardighede-module te ontwerp en byeen te bring, word dit al sedert 2017 in die vooruitsig gestel. Dit maak deel uit van 'n fakulteitswye programvernuwingsinisiatief en is 'n medewerking tussen verskeie departemente en afdelings, insluitende personeel van die Fakulteit Lettere en Sosiale Wetenskappe se Verlengde Graadprogram, biblioteekspesialiste en leerontwerpers van die afdeling vir hibridiese leer.

“Een van die belangrikste goed wat ek uit hierdie inisiatief geleer het, is hoe baie ondersteuningstrukture die US aan dosente bied. Die Sentrum vir Onderrig en Leer en die Sentrum vir Leertegnologieë is maar net twee van die hulpbronne wat beskikbaar is om fakulteite te help om onderrig op kampus te ondersteun."

Volgens Jordaan het die Departement ook daarna uitgesien om tot verbeterde leer by die deelnemende fakulteite by te dra. “Dit is terselfdertyd angswekkend en opwindend om so baie studente by hierdie module te verwelkom.  Ons is as 'n departement met 'n gevestigde fokus op nagraadse studie baie bly oor die geleentheid om ons voetspoor binne die Universiteit te vergroot deur 'n module wat spesifiek op eerstejaarstudente gerig is."