Nagraadse Diploma in Strategiese Menslike Hulpbronbestuur

Oorsig van die program

Die program sal fokus op die strategiese bevoegdhede van HR-leiers in die lewering van sakewaarde in die nastrewing van die algehele sakedoelwitte van 'n organisasie. Die program is ontwerp met insette van top HR-direkteure, sakebestuurders en denkleiers, wat sodoende 'n voorpuntbenadering tot beste HR-praktyke verseker wat in lyn is met die realiteite en kompleksiteite van die nuwe wêreld van werk. Die PG Diploma bied 'n ontwikkelingsgeleentheid aan gegradueerdes in enige veld wat hul kwalifikasies wil uitbrei met kern HR-bestuurskennis en -vaardighede, asook om die strategiese toepassing van die HR-funksie in organisasies te ondersoek.

Die bekendstelling van hierdie nagraadse kwalifikasie sal ook die opwaartse loopbaanmobiliteit van middelbestuurders in verskeie dissiplines wat mensebestuursvaardighede vereis, fasiliteer.

placeholder staff
Ms Portia Adonis
Programme Administrator
021 808 3012

    

Die Nagraadse Diploma in Strategiese MH-Bestuur sal 'n program wees met 'n modulêre/vermengde leerwyse van lewering (fisiese en aanlynleer) by die Universiteit Stellenbosch se hoofkampus.  Daar is 8 direkte kontakure van klasse per module, 8 uur per dag vir die blok van inleidende kontaktyd (hierdie inleidende kontakblok is dus 'n week lank), gevolg deur die aanbieding van uitkomste behaal aan die einde van die program.  Van studente sal verwag word om aanlyn kontak te hê en om onafhanklike selfstudie, opdragte en toepassing in 'n werksomgewing te doen.  Die duur van die program is een jaar vir studente wat dit op 'n versnelde manier wil voltooi, of twee jaar vir studente wat meer buigsaamheid benodig in terme van hul werkslas en ander persoonlike of gesinsverpligtinge.  Inligting- en kommunikasietegnologie-bemiddelde lesings en besprekingsgroepe sal gebruik word om die leerervaring vir studente te fasiliteer.

Wyse van Aanbieding

Die program word in 'n modulêre hibriede modus aangebied wat aanlynleer met geleentheidse aangesig-tot-aangesig-sessies kombineer.

Programinhoud:

Die unieke waardeproposisie van die program is as volg:

  • Die fokus is estrategies om te verseker dat MH-werk tot op die strategiese vlak in organisasies verhef word deur effektiewe besigheidstrategie te dryf;
  • Wêreldwye, opkomende mark- en plaaslike MH-beste praktyke word vanuit 'n toekomstige wêreld-van-werk-perspektief in die program geïntegreer;
  • Individuele en groep aanlynleer versnel die leer- en netwerkervaring;
  • Alle uitkomste word in die werksplek toegepas en kulmineer in duidelike uitsette relevant tot die werksplek wat deur 'n paneel van kundiges aangebied en afgeteken word;
  • Die inhoud en uitkomste van die verskillende modules dek wêreldwye beste praktyke in MH-bestuur, terwyl dit ook voldoen aan die nasionale MH-standaarde en bevoegdhede van die SA Raad vir Mensepraktyke (SABPP);
  • Die program word deur topvlak-bedryfskundiges aangebied;
  • 'n Geïntegreerde assessering verseker dat studente algehele bevoegdheid in al agt modules verkry.

 

Die program sal op vier marksegmente fokus:

  1. MH-praktisyns wat belangstel om te vorder na MH-bestuurders;
  2. MH-bestuurders wat daarna streef om MH-direkteure te word;
  3. MH-direkteure wat gretig is om hul MH-kennis op te dateer;
  4. Lynbestuurders en ander spesialiste wat hul mensebestuursvaardighede wil verbeter.

 

Die agt modules van 15 krediete elk beslaan 'n totaal van 120 krediete.  Die modules is as volg:

  1. Strategiese MH-Bestuur en Etiek
  2. Strategiese MH-Ontwikkeling en Afrigting
  3. Talentbestuur
  4. Arbeidsreg
  5. Indiensnemingsverhoudinge
  6. Organisasiegedrag
  7. Vergoedingsbestuur
  8. MH-Metrieke

 

Toelatingsvereistes

Die toegangsvereiste is 'n eerste graad in enige veld, maar toegang tot die internet en betrokkenheid by mensebestuur as deel van jou portefeulje van werkservaring is noodsaaklik om praktiese opdragte in die werksplek te voltooi. Benewens jou eerste graad en drie jaar werkservaring, moet jou kwalifikasies en ervaring voldoen aan die erkenning van voorafgaande leer (EVL) regulasies van die Universiteit, die Fakulteit en die Departement Bedryfsielkunde.  Aansoekers moet hul diensstatus en toegang tot 'n werksterrein vir die praktiese komponent van die program bevestig.  Die kriteria vir seleksie sluit akademiese prestasie en professionele werkservaring in. 'n Finale gemiddelde van 55% in jou laaste jaar van studie sal jou toegang gee tot die finale kortlys van studente.  

Aansoek en navrae

Aansoeke is oop en sluit op 01 Oktober vir Internasionale kandidate en 30 Oktober vir Suid-Afrikaanse kandidate

Doen asseblief aansoek deur die Universiteit Stellenbosch se Nagraadse aansoekvorm in te vul deur hier te klik 

Die volgende moet die aansoek om toelating vergesel:

  • 'n Gesertifiseerde afskrif van jou Identiteitsdokument
  • Gesertifiseerde afskrifte van alle akademiese kwalifikasies en rekords (transkripte)
  • Curriculum vitae
  • Ondersteuningsbrief van werkgewer wat jou posisie, jare ondervinding en toegang tot die MH-inligting van die maatskappy vir die doel van praktiese MH-werk bevestig 

 

Vir meer inligting of om aansoek te doen, kontak die Programadministrateur, Me Portia Adonis by [email protected] / 021 808 3012