Navorsingsklusters
Die Departement se hoofnavorsingstemas of -klusters
- Sosiale teorie en die navorsingsmetodologie van die sosiale wetenskappe
- Antropologie/sosiologie van ontwikkeling
- Gender, seksualiteit en die samelewing (MIV/vigs ingesluit)
- Kultuur, taal en ras
- Godsdiens en identiteit
- Grond, die omgewing en die samelewing
- Die sosiologie van werk
- Polisiëring, die weermag en die samelewing
- Verstedeliking, migrasie en nuwe vorms van oorsigbestuur
- Kennis, die wetenskap en tegnologie (hoëronderwysonderrig ingesluit)
- Antropologie/sosiologie van gesondheid, geneeskunde en die liggaam
Kenmerkende sterk punte in navorsing
Een hoof- sterk punt van die Departement is sy verbintenis tot die integrasie van denke en praktyk ten opsigte van sosiale teorie en navorsingsmetodologie in sy opleiding in nagraadse navorsing.
Die Departement se navorsingsfokus is sedert die middel-1990’s reeds sterk gerig op: gemeenskapsontwikkeling, armoede en maatskaplike sekuriteit (nasionaal en provinsiaal); die landbousektor in die Wes-Kaap; navorsingsmetodes in die sosiale wetenskappe; wetenskaps- en tegnologiestudies; en stedelike, jeug- en genderstudies. Daar is ook reeds toegepaste navorsing gedoen op die gebied van plaaslike en streeksontwikkeling.
Nuwe navorsingsbelangstellings en -projekte is die afgelope paar jaar by hierdie gevestigde gebiede gevoeg, waaronder die sosiale aspekte van geneeskunde, die weermag in die samelewing, grondhervorming, kulturele identiteite en die omgewing.
Die volgende breë klusters weerspieël die diversiteit van die navorsingsbelangstellings in die Departement. Meer inligting oor navorsing is ook in die personeelprofiele beskikbaar.
Geselekteerde publikasies of projekte
Die Departement huisves die Suid-Afrikaanse Navorsingsleerstoel in die Sosiologie van Grond, die Omgewing en Volhoubare Ontwikkeling, wat in 2016 toegeken is en in 2021 vir ’n tweede termyn van vyf jaar hernu is.