​As deel van ons 60ste vieringe, stel die Fakulteit Geneeskunde en Gesondheidswetenskappe 60 toekomstige gesondheidsorgwerkers bekend wat tans eerstejaars is. Ontmoet Junior Ndabaza.

Junior Ndabaza beskryf homself as ’n “rustige ou wat hou daarvan om te lag en tyd saam met sy familie te spandeer.”

Ndabaza het besluit om medies te studeer toe sy pa tydens sy skooljare ernstig siek geword het. “Ek het besef ek wil ander se siektes kan genees,” vertel hy. Nou is hy ’n eerstejaar MB,ChB student by die Universiteit Stellenbosch en besig om nader aan dié doel te kom.

Sy pa dien steeds as sy motivering. “Hy het my grootgemaak. Ek werk hard sodat ek eendag vir hom so goed kan sorg soos hy vir my gesorg het,” sê Ndabaza.

Hy beskou sy pa ook as rolmodel vir sukses. “Hy kan na sy gesin omsien en hy behandel mense rondom hom met liefde en respek.”

Sover geniet Ndabaza die studentelewe, maar erken dit was aanvanklik moeilik om aan te pas by die groter werkslading. Hy is egter gretig om praktiese vaardighede te leer, soos om ’n drup op te sit, en sien homself oor tien jaar op pad na ’n spesialisasie in neurochirurgie.

Vinnige feite:

• Verskuilde talent? “Ek is goed met kletsrym [rap].”
• As jy ’n dier was, wat sou jy wees en hoekom? “’n Leeu. Hulle het familie en dit is hulle trots.”
• Swakste gewoonte? “Om laat te slaap.”
• Beste gewoonte? “Ek maak my bed op.”
• Gunstelingkos? “Omelette.”
• Lewensleuse? “Hou altyd vas aan dit waarin jy glo, maar moenie onkundig wees oor ander mense se menings nie.”