Wat is kopiereg?

Kopiereg beskerm die regte van skrywers, uitvoerende kunstenaars, vervaardigers en uitsaaiers, en dra by tot ’n land se volhoubare ontwikkelingsdoelwitte. 
Die doel van kopiereg is tweeledig: om ’n dinamiese en kreatiewe kultuur aan te moedig deur skeppers te beloon en ekonomiese waarde deur middel van beperkte eiendomsregte aan hulle terug te gee, en om kennisverspreiding tot voordeel van die publiek te bied.

Die Suid-Afrikaanse Wet op Outeursreg

Die Suid-Afrikaanse Wet op Outeursreg 98 van 1978 beheer alle aspekte van kopiereg in Suid-Afrika, insluitend die vereistes vir beskerming, outeurskap, eienaarskap, inbraak daarop en sy uitsonderings. Kopiereg is territoriaal, wat beteken dat hierdie regte slegs binne Suid-Afrika afdwingbaar is. Vir 'n werk om vir kopieregbeskerming in aanmerking te kom moet die volgende beskikbaar wees:

• binne die erkende kategorieë van beskermde werke val
• oorspronklikheid
• die materiaal moet in ’n tasbare vorm aangebied word
• die skepper deur die Suid-Afrikaanse reg as ’n regspersoon erken word

Wat is billike gebruik?

In Suid-Afrika laat billike gebruik toe dat werke waarvan die kopiereg voorbehou word, wel vir persoonlike navorsing en studie, kritiek en resensie of nuusverslae gebruik kan word. Billike gebruik laat die gebruik van ’n enkelkopie van ’n redelike gedeelte van die oorspronklike werk, sonder toestemming van die kopieregeienaar, toe. Die verspreiding van veelvuldige kopieë van werke waarvan die kopiereg voorbehou word in 'n onderrig- en leeromgewing val egter nie binne die parameters van billike gebruik nie.

Personeel wat derdeparty-materiaal in onderrig- en leerinhoud wil insluit, moet dit doen in ooreenstemming met die bepalings van die US se Kopieregriglyne wat deur die US-Kopieregkantoor binne die Afdeling Innovasie en Kommersialisering (Innovus) bestuur word. Personeel kan die Kopieregkantoor kontak vir hulp met die verkryging van die nodige lisensies.

Vrae en antwoorde