​Jabulile Baloyi, hoofafrigter van Maties se vrouesokker, maak haar nuwe span gereed vir die sokkerseisoen. Sy het uitgebreide ondervinding in vrouesokker aangesien sy beide die onder-20 Suid-Afrikaanse span en USSA spanne by CUCSA/FISU wedstryde afgerig het.

Jabulile se ervaring in universiteitsport, wat sy opgedoen het deur by die Universiteit van Johannesburg te werk, en veral in vrouesokker, is voordelig aangesien sy verstaan hoe universiteitspanne funksioneer en speel. Haar uitstekende kennis van die spel plaaslik en internasionaal is baie voordelig vir ons vrouespan namate hulle hul vaardighede uitbrei en hoër hoogtes bereik. Ons sien daarna uit om ons vrouespanne op die sokkerveld aan te moedig.

“Ek is nederig en opgewonde om by die Maties-familie aan te sluit, veral in 'n tyd van hierdie opwindende vennootskap tussen Maties en Stellenbosch FC in 'n onderneming om vrouesokker te laat groei en te bevorder. Die doel is om aan onsself as 'n span, te bewys dat ons kan wen en ons resultate positief te verbeter. My uiteindelike doelwit is om 'n span te vestig wat mededingend is en 'n wenmentaliteit het," het Jabulile gesê.​