Navorsingsfokus​

Chemiese Biologie, Meganistiese Ensimologie, Ontwikkeling & Ontdekking van Antimikrobiese MIddels, Biokatalise

Navorsi​ngsopsomming

Die Strauss Lab se kernnavorsingspogings is in die multidissiplinêre veld van Chemiese Biologie. Ons fokus hoofsaaklik op die chemie en biologie van die alomteenwoordige metaboliese kofaktor koënsiem A, en op lae molekulêre gewig tiol-afhanklike redoksbiologie. Ons pas ook die kundigheid wat ons op hierdie wyse verkry toe op die ontwerp en ontwikkeling van nuwe antimikrobiese middels - veral middels wat siektes teiken wat in die Afrika- gesondheidskonteks belangrik is, soos malaria en tuberkulose.

Navorsingsbes​krywing

Belangstellings

Navorsing in die Strauss-groep is in die algemeen gefokus op die verhoging van ons begrip van die ensimologie van koënsiem A (KoA) en ander medisinaal-relevante lae molekulêre gewig tiole, en die toepassing van hierdie kennis in biokatalise en die ontwikkeling van antimikrobiese middels. Ons doel is om nuwe teikens in belangrike menslike patogene soos Staphylococcus aureus, Mycobacterium tuberculosis en Plasmodium falciparum te identifiseer wat hul afhanklikheid van hierdie noodsaaklike kofaktore uitbuit.

Ons navorsingstrategie fokus op die opklaring en bestudering van alle aspekte van die ensieme wat betrokke is in die biosintetiese weg van die tiol-bevattende kofaktor, en die toepassing van hierdie kennis in die ontwerp van inhibeerders van hierdie ensieme asook daardies wat gebruik maak van die kofaktor. Dikwels is sulke inhibeerders is ook analoë van die natuurlike kofaktor, en kan dus biokatalities berei kan word deur koöptering van die natuurlike biosintetiese ensieme. In sommige gevalle gebeur dit natuurlik soos gewys in die figuur hieronder vir die natuurproduk CJ-15.801, wat hierdie proses gebruik as deel van sy inhibisiestrategie.