Die beste Afrikaanse spellers in die land woon in die Wes-Kaap. In die nasionale eindronde van die 2019 Sanlam WOW Spelfees, wat Saterdag, 19 Oktober by die Universiteit Stellenbosch gehou is, het die Wes-Kaap 11 van die  30 wenners opgelewer, terwyl die Noord-Kaap vyf leerders onder die top-30 gehad het. Verlede jaar was die Noord-Kaap eerste en die Wes-Kaap tweede. Vir Afrikaans Huistaal word dié nasionale spelkompetisie van graad 1 tot 10 aangebied. Die algehele wenners in Graad 2, 5, 6 en 7  was almal Wes-Kapenaars.

Altesame 376 leerders van 187 skole regoor Suid-Afrika het deelgeneem aan die nasionale eindronde. Leerders het spelkragte gemeet in Afrikaans Huistaal (r 1–10) en Engels Eerste Addisionele Taal (Gr 6–9).

Die finaliste het deurgedring in 'n reeks uitdunne wat gedurende die jaar reg oor die land aangebied is.

WOW ondersteun meertaligheid en vanjaar het 84 leerders uit die Noord-, Oos- en Wes-Kaap aan die Sanlam WOW Spelfees vir Engels Eerste Addisionele Taal deelgeneem. Sedert 2017 bied WOW 'n Xhosa-spelfees vir graad 6 en 7 in vier distrikte van die Wes-Kaap aan. Vanjaar is 'n spelfees ook vir graad 3 in een van die Wes-Kaapse distrikte van stapel gestuur. 

In die afdeling vir Engels Addisionele Taal het leerders van graad 6 tot 9 meegeding en hier was dit weer die Wes-Kapenaars wat uitgeblink het. Vyf van die top-twaalf kom uit die Wes-Kaap en vier uit die Oos-Kaap.

“Elke keer dink ek die standaard is vreeslik hoog, maar dan oortref die leerders hulself," het Fiona van Kerwel, projekbestuurder van WOW gesê. “Ek is opgewonde oor die lekker probleem om woorde te vind wat vir leerders uitdagend genoeg sal wees en wat reg sal laat geskied aan hul spelvermoë. Maar gelukkig is Afrikaans 'n ryke taal. Ons woorde sal nie opraak nie."

Saartjie Botha, direkteur van die Toyota US Woordfees en WOW-projek, beaam dit: “Die standaard was vanjaar selfs nog hoër – met leerders wat tot 80 rondes se woorde moes spel voor almal behalwe die wenner uitgeval het. Die kompetisie het ook gegroei. Oor die 700 skole het vanjaar aan die Sanlam WOW Spelfees deelgeneem. Dit beteken meer as 'n honderd skole landwyd het bygekom en neem nou ook deel."

Wenners het elkeen 'n kontantprys, medalje en skild van Sanlam en 'n balkie vir hul skoolbaadjies ontvang, asook 'n boekprys van NB-Uitgewers. Die eersteplek-wenners het daarmee saam elkeen 'n slimfoon of tablet gekry. Ander borge sluit in die Universiteit Stellenbosch, kykNET, TAO (Trust vir Afrikaanse Onderwys), Het Jan Marais Nationale Fonds en Millenium Trust.

Sydney Nhlanhla Mbhele, Sanlam se hoofhandelsmerkbestuurder, sê dit is vir Sanlam 'n eer om vanjaar vir die vyfde keer die naamborg van die WOW Spelfees te wees: “Spel speel 'n groot rol in leerders se akademiese prestasie op skool, asook in die ontwikkeling van leerders se potensiaal om uiteindelik naskoolse opleiding te deurloop, finansieel vooruit te kan gaan en waardige, suksesvolle landsburgers te word."

Die WOW Nasionale Spelfees is nou in sy agtste jaar. WOW, 'n akroniem vir Woorde Open Wêrelde, het ten doel om 'n liefde vir lees en woorde by leerders te kweek. Die projek help ook jaarliks sowat 15 behoeftige studente aan die Universiteit Stellenbosch deur aanvullende beurse beskikbaar te stel.

​Nasionale wenners per graad in Afrikaans Huistaal

Graad 1

1. Ruan Maartens                                 Laerskool Fairland                                         Gauteng
2. Katryn Silvis                                   Laerskool Jan van Riebeeck                         Wes-Kaap
3. Janolene Fiekies                             VRT Pitt Primêr                                             Wes-Kaap

Graad 2

1. Luke Versveld                                 Laerskool Gericke                                          Wes-Kaap
2. Nay-Leesha Rezant                        Alpha Primêr                                                   Noord- Kaap
3. Marli Jacobs                                    Laerskool CR Swart                                        Mpumalanga

Graad 3

1. Wium Potgieter                             Laerskool Parys                                             Vrystaat
2. Marlouise du Toit                          Laerskool Vredendal                                    Wes-Kaap
3. Duan Beukes                                 Melkbosstrand Privaatskool                     Wes-Kaap

Graad 4

1. Megan Cruickshank                       Laerskool Louw Geldenhuys                                      Gauteng
2. Logan Damane                              The Hague Primêr                                         Wes-Kaap
3. Hayden Vorster                              Laerskool Helderkruin                                  Gauteng

Graad 5

1. Lise la Grange                                 Laerskool Niko Brummer                            Wes-Kaap
2. Carii van Rooyen                            Laerskool Krugerpark                                   Limpopo
3. Faith Pieterse                                 Alpha Primêr                                                  Noord-Kaap

Graad 6

1. Keesha Bukkies                              Laerskool Laurie Hugo                                 Wes-Kaap
2. Sheona-Lee Blou                            Seagull Primêr                                              Oos-Kaap
3. Elmien Pieterse                             Laerskool Pietersburg-Oos                         Limpopo

Graad 7

1. Tatum Ferrier                                Idasvallei Primêr                                          Wes-Kaap
2. Mila Kotzé                                      Truida Kesstell                                              Vrystaat
3. Anri Botha                                       Laerskool Sunridge                                                      Oos-Kaap

Graad 8

1. Izelna Venter                                 Hoërskool Pietersburg                                Limpopo
2. Annabelle Theunissen                  Hoërskool Middelburg                                Mpumalanga
3. Skylah Williams                              Hoërskool Namakwaland                           Noord-Kaap

Graad 9

1. Josef Joubert                                  Hoërskool Piet Potgieter                            Limpopo
2. Asleigh Arendse                            Hoërskool Namakwaland                           Noord-Kaap
3. Luyanda Pofadder                         GS Friesdale RK                                             Noord-Kaap

Graad 10

1. Leandri du Plessis                            Hoërskool Sentraal                                                    Vrystaat
2. Jennilee Stuurman                          Bernadino Heights                                      Wes-Kaap
3. Elsa Marie van der Watt                HMS Bloemhof                                            Wes-Kaap

Nasionale wenners per graad in Engels Eerste Addisionele taal

Grade 6

1. Khanya Siheula                               Graslaagte Primary                                        Eastern Cape
2. Megan Potberg                              Graslaagte Primary                                        Eastern Cape
3. Kgatliso Ebuang                              Pabalelo Primary                                             Northern Cape

Grade 7

1. Bessie Longwe                                 Hindle Road West Primary                         Western Cape
2. Babalwa Zikhali                               Vela-Langa Primary                                     Northern Cape
3. Shaylin De Klerk                              Hermeslaan Primary                                    Western Cape

Grade 8

1. Tristen Tieling                                  Saxsonsea Secondary                                   Western Cape
2. Charlton Goliath                             Gelvandale High School                             Eastern Cape
3. Verona Appollis                              Atlantis Secondary                                       Western Cape

Grade 9

1. Mpho Xwethu                                 Vuyolwethu High School                            Northern Cape
2. Tanya Starbuck                               Otto Du Plessis High School                       Eastern Cape
3. Lauren Balie                                    Atlantis Secondary                                       Western Cape