​James Seccombe (20), Charlene Erlank (19), Jean-mari du Plessis (19) en Willem Erasmus (19) van die Maties Judo-klub reis komende naweek na Port Elizabeth om daar aan die Statebondspele deel te neem. 

James (tweede dan, swart belt) is 'n BCom Bestuursrekeningkunde-student in sy derde jaar, Jean-mari studeer BSc Lewenswetenskappe (2de jaar), Charlene studeer ook BCom Bestuursrekeningkunde (2de jaar) en Willem is 'n BRek-student in sy tweede jaar. 

Hulle is senuweeagtig, maar baie opgewonde om aan die kompetisie deel te neem en wil graag met medaljes huis toe kom.