​U word genooi na die derde kwartaallikse OLA (Onderrig-Leer-Assessering)-seminaar van 2024, aangebied deur die Afdeling vir Leer- en Onderrigverryking:

Spreker:  Prof. Nicola Plastow (Afdeling Arbeidsterapie, Fakulteit Geneeskunde en Gesondheidswetenskappe) (US Onderriggenoot)

Onderwerp:  “Opportunity, meaning, and choice: Proposing a pedagogy of occupational justice"

Datum:  15 Augustus 2024

Tyd:  13:00-14:00

Plek:  MS Teams: Klik hier om by die seminaar aan te sluit

 Opsomming van seminaar

Beroepsregverdigheid is 'n vorm van sosiale geregtigheid waarin mense gelykheid en regverdigheid ervaar met betrekking tot hulpbronne en geleenthede vir deelname in 'n wye reeks gesonde en betekenisvolle beroepe. Om beroepsregverdigheid te ervaar beteken om die geleenthede en hulpbronne te hê vir doen, wees, behoort en word (Mthembu, 2021).

By Universiteit Stellenbosch beteken ons visie vir 'n transformerende leerervaring dat “doen en wees" 'n student in staat stel om gegradueerdes en lede van 'n beroep “te word". Louw (2023) voer aan dat ons saam geleenthede vir transformerende leer kan skep wat beroepsregverdigheid in gesondheidswetenskappe-onderrig bevorder. In haar artikel “Advancing a social justice agenda in health professions education" argumenteer Jacobs (2020) egter dat ons in gesondheidsberoepe-onderrig studente moet ontwikkel wat klinies bevoeg én krities bewus is van die kontekste waarin hulle werk, sodat hulle agente van verandering kan word.

In hierdie seminaar stel ek 'n pedagogie van beroepsregverdigheid voor wat daarop gemik is om beroepsregverdigheid vir sowel studente as gesondheidsdiensgebruikers moontlik te maak. Met gebruik van 'n voorbeeld van een diensleerterrein in Bishop Lavis gaan ek illustreer hoe ons studente in staat kan stel om te doen, wees, word en behoort; terwyl ons terselfdertyd toegang tot hulpbronne en geleenthede vir betekenisvolle deelname vir mense wat verskeie vorme van beroepsonreg kan ervaar, moontlik maak.

Biografie van spreker

Nicola Plastow is Medeprofessor en Voorgraadse Programkoördineerder in die Afdeling Arbeidsterapie in die Fakulteit Geneeskunde en Gesondheidswetenskappe aan die Universiteit Stellenbosch. Sy is 'n US Uitgelese Dosent, 'n genoot van die Universiteit Stellenbosch se Navorsing en Innovasie Strategiese Uitnemendheid (“SUNRISE") program, en die enigste akademikus by die US wat twee onderriggenootskappe ontvang het. Haar huidige onderriggenootskap fokus op die gebruik van diensleer om sosiale deelname en beroepsregverdigheid vir ouer mense in Bishop Lavis, Kaapstad, te bevorder.

Meer inligting oor die seminaar is beskikbaar van dr. Karin Cattell-Holden by [email protected] . 

Verwysings

1. Jacobs, C. (2020). Advancing a social justice agenda in health professions education. Critical Studies in Teaching and Learning, 8(2).2. Louw, H. (2023). A Co-constructed Strategic Framework for Transformative Learning that Promotes Occupational Justice in Health Science Education at a Higher Education Institution in Namibia: A Participatory Action Research. Stellenbosch University PhD Protocol. Supervisors: Lana van Niekerk, Quenton Wessels, Nicola Plastow.3. Mthembu, Thuli G. (2021). A Commentary of Occupational Justice and Occupation-based Community Development Frameworks for Social Transformation: The Marikana Event. South African Journal of Occupational Therapy, 51(1), 72-75. https://dx.doi.org/10.17159/2310-3833/2021a10