​Die Universiteit van Stellenbosch Bestuurskool (USB), die Instituut vir Toekomsnavorsing (ITN) en USB-Bestuursontwikkeling (USB-BO) het verlede week Afrikadag gevier.

Die Dekaan van die Universiteit Stellenbosch se Ekonomiese en Bestuurswetenskappe Fakulteit, Prof Stan du Plessis het gesê: "Die hokkiestok van die geskiedenis vir baie gemeenskappe in Afrika is opwaarts gebuig - meer dramaties as wat dit die afgelope dekades vir die ryk wêreld was."

Dit word geïllustreer deur die feit dat die meerderheid van die wêreld se vinnig groeiende ekonomieë nou op die Afrika-kontinent gevind word.

"Sulke ongekende verandering bring beide ongekende risiko en ontwrigting, maar ook ongekende geleenthede. Ons moet dink oor die moontlike toekoms vir samelewings op ons vasteland as dit integreer met die wêreldekonomie.

"Die doel van so sukkel om die moontlike toekoms te verstaan is om te verstaan hoe die pad van besluite wat by ons elkeen begin, ons lei tot verskillende moontlike uitkomste vir onsself, ons ondernemings en ons samelewing," het Du Plessis gesê.  

"Wat nodig is, is 'n omvattende ondersoek van hoe denke, strategie en besluitneming in Afrika onderskei kan word van die Weste," sê futuris en die stelselsdenker dr Morne Mostert. Die Instituut vir Toekomsnavorsing, onder leiding van Mostert, het ʼn nuwe inisiatief begin om sy stelling te ondersteun.

Ander sprekers was Prof Charles Adjasi, hoof van die Ontwikkelingsfinansies-programme by die USB, en Frik Landman, die bestuurshoof van USB-BO. 

In die foto: Prof Stan du Plessis, prof Charles Adjasi, dr Morne Mostert en Frik Landman.