Malunga Nathi
Ukusetyenziswa kwezobuchwepheshe ekufundeni ukuxhasa ukufundisa nokufunda kube yinto ethe yabaluleka ngamandla kule minyaka idlulileyo. Ukuphazamiseka kwangaphambili nophuhliso kwicandelo lemfundo ephakamileyo akuzange kugxininise kuphela kumathuba aveliswe bubuchwepheshe kwezemfundo, kodwa ukubaluleka kweendlela zokufunda ezigxininisa ekufundeni, ukunxibelelana kunye nemekobume yabafundi kuye kwagxininiswa kananjalo, kunye nokusebenzisa ezobuchwepheshe ekufundeni ukuphuhlisa imeko yokufunda yabafundi.
IZiko lokuFunda ezobuChwepheshe (iCLT) liyinxalenye yeCandelo lokuPhucula ukuFunda nokuFundisa (Division for Learning and Teaching Enhancement) (iCandelo leLTE) kwiYunivesithi yaseStellenbosch. I-CLT isebenzisana ngenene namanye amaziko eCandelo leLTE (o.k.t. iZiko lokuFundisa nokuFunda (Centre for Teaching and Learning), iZiko leeLwimi (Language Centre) kunye neZiko loCwangciso lwezeMfundo noQinisekiso loMgangatho (Centre for Academic Planning and Quality Assurance), kunye nentsebenziswano neefakhalthi (ngentsebenziswano yenene nabaNxibelelanisi bokuFunda ngokuXubileyo – iiBLCs – kwifakhalthi nganye), ukwandisa amava okufunda nokufundisa abafundi nezifundiswa.
Intsebenziswano ehlangabezanayo ephakathi kweCLT namanye amaziko kunye neefakhalthi yenzeka ngolu hlobo:
Usetyenziso lwendlela entsha
usetyenziso olunentsingiselo noyilo lweendlela ezintsha zokusebenzisa ubuchwepheshe bokufunda
Isikhokelo
ukunika iingcebiso ngeendlela ezinentsingiselo nezinobuchule zokusebenzisa ubuchwepheshe ekufundeni, obusekelwe kwinkxaso yolwazi yokufunda nokufundisa, nto leyo eza kwandisa impumelelo yokufundisa nokufunda
Ukudibanisa
ukusetyenziswa kwezobuchwephese ekufundeni ukwandisa imisebenzi yokufunda yabafundi abahlala ngaphakathi nabo bahlala ngaphandle kwekhampasi
Ukuba sempilweni entle
ukuphendula kwedijithali ekuhlaleni nokuba sempilweni entle ukuqinisekisa umgangatho wemfundo ephakamileyo, ukwenziwa kolwazi ngokusebenzisana, impumelelo yabafundi kunye nokufunda ubomi bonke
Okwaqala njengeeNkonzo zeTelematiki eSU ngoku kwaziwa njengeZiko lokuFunda ezobuChwepheshe (iCLT). IiNkonzo zeTelematiki (Telematic Services) zihlala ziyinxalenye yenene kwiCLT. Eli phulo liye lakhula ngakumbi laba yiprojekthi, ebizwa ngokuba yiProjekthi yeZikolo yeTelematiki (Telematic Schools Project), phakathi kweSebe leMfundo leNtshona Koloni kunye neCLT yeYunivesithi yaseStellenbosch. Njengokuba iCLT ikhula, imfuno yophuhliso lwezifundo, uphando, uqeqesho kunye nenkxaso kwiinkalo ezahlukeneyo ezinxulumene nezobuchwepheshe ekufundeni zaye zacaca ngakumbi. I-CLT ibonelela ngobunkokeli obucwangcisiweyo, isikhokelo kunye nenkxaso kumaqela achaphazelekayo aliqela kwiSU ekudityanisweni kobuchwepheshe ekufundeni, ngokunjalo nangobuhlakani nawo. Uninzi loqeqesho nenkxaso enikwa iCLT ikwiSistim yoLawulo lokuFunda (Learning Management System) esekelwe kwiMoodle (iLMS), ebizwa ngokuba yiSUNLearn. Eli qonga libalulekileyo lisetyenziswa njengendawo yokufunda apho abahlohli kunye/okanye abancedisi bahlohli basebenzisa ubuchwephese ekufundeni ukuze banxibelelane nabafundi, baze bathi abafundi, nabo, benokusebenzisana nabahlohli, abancedisi bahlohli, imathiriyeli yokufunda, imisebenzi yokufunda, imisebenzi yovavanyo kunye nabanye abafundi.
Dibana neQela leCLT
Qhagamshelana Nathi
Gqr Jan Petrus Bosman
Nks A'isha Salaam
ATTRIBUTION: Image under license by The Yuri Arcurs Collection/freepik.com